लोकमत न्यूज नेटवर्क मुंबई : पश्चिम रेल्वेमध्ये तिकीट तपासनीस असलेले के. सूरजकांता जोईचंद्र सिंग (४१) यांची ८२ हजारांची ऑनलाइन फसवणूक झाली आहे. त्यांनी जोगेश्वरी पोलिस ठाण्यात २२ डिसेंबर रोजी तक्रार दिली असून पोलिसांनी गुन्हा दाखल केला आहे.
जोगेश्वरी पूर्वेला कुटुंबासह वास्तव्यास असलेल्या के. सूरजकांता जोईचंद्र सिंग यांना २१ डिसेंबर रोजी सायबर भामट्यांनी मोबाइलद्वारे १० ओटीपी संदेश पाठवले. हे फसवणुकीचे संदेश असावेत, असा संशय आल्याने त्यांनी ते संदेश डिलीट केले. त्याच दिवशी सायंकाळी ५.२५ वाजता भाजी खरेदीदरम्यान गुगल पेने पेमेंट करताना खात्यात रक्कम शिल्लक नसल्याचा संदेश आल्याने त्यांनी खात्याचा तपशील तपासला.
दरम्यान, त्यांना दुपारी ४.१९ वाजता ५० हजार रुपये आणि ४.२४ वाजता ३२ हजार असे एकूण ८२ हजार रुपये खात्यातून डेबिट झाल्याचे त्यांच्या निदर्शनास आले. याशिवाय, मोबाइलवरील संदेश अनोळखी क्रमांकावरून स्वतःलाच परत येत असल्याचेही त्यांच्या लक्षात आले. त्यामुळे मोबाइल हॅक झाल्याचा संशय बळावला. तत्काळ त्यांनी बँकेच्या कस्टमर केअरशी संपर्क साधून खाते तात्पुरते बंद करून घेतले आणि सायबर हेल्पलाइनवर तक्रार नोंदवली. याप्रकरणी जोगेश्वरी पोलिसांचा तपास सुरू आहे.
Web Summary : A railway ticket checker in Mumbai lost ₹82,000 to online fraud after receiving multiple OTPs. He reported the incident to Jogeshwari police, who have registered a case and are investigating the matter. He noticed unauthorized debits while trying to make a purchase.
Web Summary : मुंबई में एक रेलवे टिकट चेकर को ओटीपी धोखाधड़ी में ₹82,000 का नुकसान हुआ। जोगेश्वरी पुलिस में शिकायत दर्ज कराई गई है, जिन्होंने मामला दर्ज कर जांच शुरू कर दी है। खरीदारी करते समय अनाधिकृत डेबिट का पता चला।