मुंबई : भारतरत्न डॉ. बाबासाहेब आंबेडकरांच्या महापरिनिर्वाण दिनाच्या पार्श्वभूमीवर गुरुवार, ५ डिसेंबरच्या रात्री १२ वाजल्यापासून ते शुक्रवार, ६ डिसेंबर रोजी रात्री १२ या कालावधीत दादर रेल्वे स्थानकामध्ये प्रवाशांना मर्यादित प्रवेश देण्यात येतील.
कायदा व सुव्यवस्था राखण्यासाठी सुमारे ४०० लोहमार्ग पोलिस अधिकारी व कर्मचारी तैनात करण्यात आल्याचे दादर लोहमार्ग पोलिस ठाण्याचे वरिष्ठ पोलिस निरीक्षक अनिल कदम यांनी सांगितले.
फलाटावर प्रवेश करण्यासाठी असे असेल नियोजन
मध्य व पश्चिम रेल्वे स्थानकातील पूर्व-पश्चिम जोडणारा मोठा ब्रिज व फलाट क्र. १२ वरील सर्व प्रवेशद्वार शहर हद्दीतून रेल्वे स्थानकात येण्यासाठी बंद राहील. एका फलाटावरून दुसऱ्या फलाटावर जाण्यासाठी पूल खुला राहील.
पूर्व-पश्चिम शहर हद्दीतून येणाऱ्या अनुयायी व दैनंदिन रेल्वे प्रवाशांसाठी दादर रेल्वे स्थानकांवरील फलाटावर येण्याकरिता खुला राहील.
दादर पश्चिम रेल्वे स्थानक फलाट क्र. १ वरील स्कायवॉक ब्रिजलगतचे गेट क्र.१, ६ व ७ वगळता सर्व प्रवेशद्वार हे रेल्वे प्रवासी व अनुयायांना शहर हद्दीतून फलाटावर येण्यास बंद राहतील.
दादर पश्चिम रेल्वेस्थानक फलाट क्र. १ वरील लंगडा/आंधळा पादचारी पूल शहर हद्दीतून येणाऱ्या रेल्वे प्रवासी व अनुयायांना पश्चिमेकडून पूर्वकडे जाण्यास बंद राहील.
Web Summary : Limited access at Dadar station for Mahaparinirvan Day. 400 railway police officers will be deployed to maintain order. Certain entry points to platforms will be closed, while others remain open for commuters and followers. Measures are in place to manage passenger flow effectively.
Web Summary : महापरिनिर्वाण दिवस के लिए दादर स्टेशन पर सीमित प्रवेश। व्यवस्था बनाए रखने के लिए 400 रेलवे पुलिस अधिकारी तैनात किए जाएंगे। कुछ प्रवेश द्वार बंद रहेंगे, जबकि अन्य यात्रियों के लिए खुले रहेंगे। यात्री प्रवाह को प्रबंधित करने के लिए उपाय किए गए हैं।