ONGC हेलिकॉप्टरचे अरबी समुद्रात इमर्जन्सी लँडिंग, आतापर्यंत 6 जणांची सुटका

ONGC Helicopter Emergency Landing : आतापर्यंत सहा जणांना वाचवण्यात यश आले असून पुढील ऑपरेशन्स सुरू आहेत.

नवी दिल्ली : सात प्रवासी आणि दोन वैमानिक असलेल्या हेलिकॉप्टरने आज अरबी समुद्रात मुंबई हाय येथील सागर किरण येथे तेल आणि नैसर्गिक वायू महामंडळ लिमिटेड (ONGC) रिगजवळ आपत्कालीन लँडिंग केले, असे ONGC कंपनीने ट्विटमध्ये म्हटले आहे. आतापर्यंत सहा जणांना वाचवण्यात यश आले असून पुढील ऑपरेशन्स सुरू आहेत.

ओएनजीसीच्या मालवीय-16 या जहाजाने पाच जणांना वाचवले आणि सहाव्या प्रवाशाला ओएनजीसीच्या रिग सागर किरणच्या रेस्क्यू बोटीने वाचवले. समुद्रातील तटरक्षक दलाचे जहाज घटनास्थळी पोहोचण्यासाठी वळवण्यात आले आणि दुसरे जहाज बचाव कार्यात सामील होण्यासाठी मुंबईहून निघाले, असे अधिकाऱ्यांनी सांगितले. कोस्ट गार्डच्या विमानाने वाचलेल्यांसाठी जीवरक्षक तराफा समुद्रात टाकला.

आंतरराष्ट्रीय सुरक्षा नेट (ISN) सागरी बचाव समन्वय केंद्र (MRCC), मुंबई द्वारे सक्रिय केले गेले आहे. तटरक्षक दल भारतीय नौदल आणि ओएनजीसी यांच्याशी समन्वय साधत असून बचाव कार्याला गती देण्यासाठी आणि वाढवण्याचे काम करत आहे, असे अधिकाऱ्यांनी सांगितले.

#Helicopter carrying 7 passengers & 2 pilots makes emergency landing in #Arabian Sea near #ONGC rig Sagar Kiran in #Mumbai High. Four rescued. Rescue operations in full swing. @HardeepSPuri@Rameswar_Teli@PetroleumMin

— Oil and Natural Gas Corporation Limited (ONGC) (@ONGC_) June 28, 2022