मुंबईच्या मोनोरेलला लागलेलं अपघातांचं ग्रहण काही सुटताना दिसत नाही. चेंबूर ते वडाळा मार्गावर मोनोरेलच्या नव्या गाडीची चाचणी सुरू असताना वडाळा स्थानकाजवळ बुधवारी सकाळी अपघात घडला आहे. मोनोरेलचा पहिला डबा थेट ट्रॅक सोडून बाहेर आला. सुदैवाने तो मोनोरेलच्या खांबांवरच अडकून राहिला असल्याने मोनोचा चालक मोठ्या अपघातातून बचावला आहे. घटनास्थळावर अग्निशमन दल पोहोचले आणि चालकाची सुखरुप सुटका केली आहे. अपघात घडला त्यावेळी मोनोमध्ये चालक आणि एक कंपनीचा अधिकारी उपस्थित होता अशी माहिती समोर आली आहे. अपघाताचे कारण अद्याप कळू शकलेले नाही.
प्राथमिक माहितीनुसार, मोनोच्या सिग्नल प्रणालीत तांत्रिक बिघाड झाल्याने अपघात घडल्याचे बोलले जात आहे. या घटनेबाबत मोनोरेल प्रशासनाकडून अद्याप कोणतीच माहिती देण्यात आलेली नाही.
सततच्या अपघात सत्रामुळे मोनोरेल सेवा प्रवासी वाहतुकीसाठी बंद करण्यात आली होती. त्यानंतर नव्या कोचेससह सध्या या मार्गावर चाचणी सुरू होती. या चाचण्यांनंतर नव्या वर्षात मोनोरेल पुन्हा सेवेत दाखल करण्याचा प्रशासनाचा मानस आहे. पण आजच्या अपघातामुळे पुन्हा एकदा संशयाचं वातावरण निर्माण झालं आहे. घटनास्थळावर सध्या अपघातग्रस्त मोनोरेल मुख्यमार्गावरुन बाजूला करण्याचं काम सुरू करण्यात आलं आहे.
Web Summary : A monorail derailed near Wadala during a trial run, with the first coach leaving the track. The driver was safely rescued. A technical malfunction in the signal system is suspected. Monorail services had been suspended for passenger transport but were undergoing trials with new coaches for a planned reopening in the new year.
Web Summary : परीक्षण के दौरान वडाला के पास एक मोनोरेल पटरी से उतर गई, पहला डिब्बा पटरी से उतर गया। ड्राइवर को सुरक्षित बचा लिया गया। सिग्नल प्रणाली में तकनीकी खराबी का संदेह है। यात्री परिवहन के लिए मोनोरेल सेवाएं निलंबित कर दी गई थीं, लेकिन नए साल में नियोजित पुन: खोलने के लिए नए डिब्बों के साथ परीक्षण चल रहा था।