पालिकेने आठ हजार बॅनर हटवले, जाहिरातींसाठी सार्वजनिक मालकीच्या जागांचा अधिक वापर; लवकरच कारवाईला अधिक वेग 

जाहिरातींसाठी सार्वजनिक मालकीच्या जागांचा अधिक वापर; लवकरच कारवाईला अधिक वेग...

मुंबई :  खासगी आणि सरकारी जागांपेक्षा सार्वजनिक मालकीच्या जागांवर पोस्टर, बॅनर आणि होर्डिंग लावण्याची संख्या जास्त  आहे. खासगी जागांवर जाहिरातबाजीसाठी संबंधित सोसायट्या किंवा आस्थापनांना शुल्क द्यावे लागत असल्याने ‘फुकट’च्या सार्वजनिक किंवा सरकारी जागा बऱ्या, याकडे जाहिरात बहाद्दरांचा कल अधिक दिसून येत आहे. मुंबई महापालिका  निवडणुकीची आचारसंहिता लागू झाल्यापासून सुमारे आठ हजारांपेक्षा अधिक जाहिराती हटवल्या असून, त्यापैकी सर्वाधिक जाहिराती या सार्वजनिक जागेवर असल्याची आकडेवारी समोर आली आहे. मुंबईतील सर्व २४ विभागांमध्ये जाहिरातीचे साहित्य हटवण्याचे  काम सुरू आहे. 

आचारसंहिता लागू झाल्यानंतरच्या पहिल्या २४ ते ४८ तासांत पालिकेने शहराच्या विविध भागांतून २,१०३ पेक्षा जास्त अनधिकृत राजकीय जाहिरात साहित्य हटवले होते. त्यानंतरच्या पुढल्या दिवसात  या कारवाईला आणखी वेग देण्यात आला. 

या ठिकाणी बडगा 
सरकारी जागेवरील कारवाई
खराब केलेल्या भिंती    १७ 
पोस्टर    ११२ 
बॅनर     १७८ 
एकूण     ३०७

२ हजार पेक्षा अधिक अनधिकृत राजकीय बॅनर

सार्वजनिक मालमत्ता 
खराब भिंती    २७ 
पोस्टर    ९२५ 
होर्डिंग    ६९८ 
बॅनर    ४८७३ 
अन्य    १३९०  
एकूण    ७६५१ 

खासगी मालमत्ता  
भिंत खराब करणे    १४४ 
पोस्टर    ३६ 
होर्डिंग    ६
बॅनर    ७७ 
झेंडे    १०५ 
अन्य    ४४२ 
एकूण    ३६८