मुंबई : एका सहा वर्षाच्या मुलाला त्याच्या वडिलांनी वायर आणि बेल्टने मारहाण करून गंभीर जखमी केल्याची धक्कादायक घटना सहार पोलिसांच्या हद्दीत घडली आहे. मुलाच्या आईने मारहाणीबाबत विचारणा केली असता पतीने तिलाही शिवीगाळ करीत मारण्याची धमकी दिली. या प्रकाराबाबत आईच्या तक्रारीवरून सहार पोलिसांनी २८ नोव्हेंबर रोजी गुन्हा नोंदविला आहे.
तक्रारदार २७ वर्षीय महिला नोकरी करीत असून, त्या माहेरी राहतात. तर त्यांचा सहा वर्षांचा मुलगा अंधेरी (पूर्व) सहार गाव परिसरात वडिलांसोबत राहतो. पती-पत्नीचा प्रेमविवाह झाला असून, दोन वर्षांपासून किरकोळ कारणांवरून वाद वाढत होते.
जुलै २०२५ मध्ये मुलाचा अभ्यास घेत असताना पतीने तक्रारदाराच्या हातातील पुस्तक फेकून देत त्यांना मारहाण केली. त्यानंतर मुलाला घेऊन पुण्याला निघून गेला. तीन दिवसांनी पती पुन्हा घरी परतला आणि दाम्पत्य एकत्र राहत होते.
मात्र, २८ जुलै २०२५ रोजी पुन्हा वाद झाल्यावर पतीने पत्नीला घराबाहेर जाण्यास सांगितले तसेच 'मुलाला घेऊन गेलीस तर तुला मारून टाकेन,' अशी धमकी दिली. २५ नोव्हेंबर रोजी पतीने तक्रारदाराला व्हिडीओ कॉल करीत मुलाचे कपडे काढून त्याच्या अंगावर झालेल्या मारहाणीच्या जखमा दाखवल्या.
'तू मुलाला का मारतोस ?'
'तू मुलाला का मारतोस?' असा १ प्रश्न विचारताच त्याने फोन कट केला. त्यानंतर तक्रारदार तत्काळ सहार गावातील पतीच्या घराकडे गेल्या; परंतु घराला कुलूप होते.
मुलाची काळजी वाटत असल्याने त्या २७ नोव्हेंबरला पुन्हा पतीच्या घराकडे गेल्या. चौकशी केली असता मुलगा शेजारी राहणाऱ्या मुलीसोबत खेळताना दिसला.
त्यांनी मुलाला ताब्यात घेत 3 सरळ माहेरी नेले. तेथे चौकशी केल्यावर मुलाने वडिलांनी मारहाण केल्याचे सांगितले. त्याचे कपडे काढून पाहिल्यावर संपूर्ण अंगावर मारहाणीचे चट्टे दिसल्यानंतर तक्रारदारांनी मुलासह पोलिस ठाण्यात जाऊन तक्रार केली.
Web Summary : A Mumbai father was arrested for severely beating his six-year-old son with a wire and belt. The mother, threatened when she inquired, reported the abuse to Sahar police, who registered a case.
Web Summary : मुंबई में एक पिता को अपने छह साल के बेटे को तार और बेल्ट से बुरी तरह पीटने के आरोप में गिरफ्तार किया गया। पूछताछ करने पर माँ को धमकी दी गई, जिसके बाद उसने सहार पुलिस में शिकायत दर्ज कराई, जिसने मामला दर्ज किया।