Mumbai Local Live: मुंबईच्या लोकल सेवेबाबतचे महत्वाचे अपडेट्स
LIVE
By ऑनलाइन लोकमत | Published: August 3, 2023 01:48 PM2023-08-03T13:48:30+5:302024-01-05T13:13:24+5:30
मुंबईतील लोकल सेवा शहराची 'लाइफलाइन' म्हणून ओळखली जाते. मुंबईत पश्चिम, मध्य आणि हार्बर रेल्वेची लोकल सेवा आहे. दररोज लाखो प्रवासी ...
मुंबईतील लोकल सेवा शहराची 'लाइफलाइन' म्हणून ओळखली जाते. मुंबईत पश्चिम, मध्य आणि हार्बर रेल्वेची लोकल सेवा आहे. दररोज लाखो प्रवासी मुंबईत लोकल सेवेनं प्रवास करतात. लोकलच्या वेळापत्रकावरच चाकरमान्यांचा दिनक्रम अवलंबून असतो. मुंबईतील लोकल सेवेचं वेळापत्रक, मेगाब्लॉक तसंच सेवेशी निगडीत इतर सर्व अपडेट्स...
LIVE UPDATES
LIVE
06:54 PM
मध्य रेल्वेची सेवा विस्कळीत
(२४/०४/२०२४): मध्य रेल्वेची कल्याणच्या दिशेने जाणारी वाहतूक विस्कळीत, कुर्ला-घाटकोपर दरम्यान वाहतूक खोळंबली
03:30 PM
मध्य रेल्वेची वाहतूक विस्कळीत
मध्य रेल्वेच्या कल्याण-ठाकुर्ली दरम्यान लोकलचा पेंटाग्राफ तुटला, यामुळे मध्य रेल्वेची वाहतूक उशिराने सुरू आहे. रेल्वे कर्मचाऱ्यांकडून युद्ध पातळीवर काम सुरू आहे. जलद मार्गावरील सर्व गाड्या धीम्या मार्गावरती वळवण्यात आल्याची अधिकाऱ्यांची माहिती आहे. मुंबईहुन कल्याणकडे आणि कल्याणकडून मुंबईकडे जाणाऱ्या वाहतुकीवर याचा परिणाम झाला आहे.
01:57 PM
मुंबईत मध्य रेल्वेची वाहतूक विस्कळीत
कल्याणच्या दिशेने जाणारी मध्य रेल्वेची लोकल सेवा विस्कळीत, कल्याण आणि ठाकुर्ली दरम्यान पेंटाग्राफ तुटला
09:57 AM
मध्य रेल्वेची वाहतूक उशीराने सुरू असल्याने सीएसएमटीकडे जाणाऱ्या लोकलवर प्रचंड ताण, रेल्वे स्थानकांवर प्रवाशांची गर्दी झाली आहे
09:54 AM
मध्य रेल्वेची सेवा विस्कळीत...
मध्य रेल्वेची वाहतूक विस्कळीत, CSMT कडे येणाऱ्या जलद लोकल २० ते २५ मिनिटे उशिराने; नोकरदार रखडले
01:14 PM
पश्चिम रेल्वेचा खेळखंडोबा
पश्चिम रेल्वेवरील वाहतूक १५ ते २० मिनिटं उशिराने सुरू आहे. अंधेरी येथील गोखले पुलाच्या कामासाठी पश्चिम रेल्वेनं वेळापत्रकात बदल केला आहे. पण बदललेल्या वेळापत्रकाबाबत प्रवाशांना फारशी काही कल्पना नाही. त्यामुळे चाकरमान्यांचा गोंधळ उडाला आहे.
12:28 PM
पश्चिम रेल्वेवरील वाहतूक उशिराने
पश्चिम रेल्वेवरील बोरिवली स्थानकाजवळ तांत्रिक बिघाडामुळे सर्व उपनगरीय लोकल २० ते २५ मिनिटे उशिराने धावत आहेत.
05:17 PM
खारकोपर, उरणसह ५ स्थानकांचे काम अंतिम टप्प्यात; आठवड्याभरात खारकोपर-उरण रेल्वे सेवा सुरू होणार
06:57 PM
पश्चिम रेल्वेवर २९ दिवसांचा ब्लॉक
पश्चिम रेल्वेवर २९ दिवसांचा ब्लॉक, प्रवाशांना होणार खोळंबा...किती फेऱ्या होणार रद्द? काय होईल परिणाम? याची सविस्तर माहिती...#MumbaiLocal#WesternRailway@WesternRlypic.twitter.com/pe2yfwQSbV
— Lokmat Mumbai (@LokmatMumbai) October 13, 2023
12:50 PM
मुंबई सेंट्रलला लोकल घसरली
मुंबई सेंट्रल स्थानकात लोकल कारशेडमध्ये जात असताना रुळावरुन घसरली, सुदैवाने लोकलमध्ये प्रवासी नव्हते. दुर्घटनेमुळे पश्चिम रेल्वेच्या वेळापत्रकावर परिणाम.
09:24 AM
विरारहून डहाणूकडे जाणाऱ्या गाड्या थांबवल्या, गुजरातकडे जाणारी मालगाडी अडकली
09:49 AM
पश्चिम रेल्वेची वाहतूक विस्कळीत
चर्नी रोड-चर्चगेट दरम्यान सिग्नल यंत्रणेत बिघाड, पश्चिम रेल्वेची वाहतूक ५ ते १० मिनिटं उशीराने
07:29 PM
मुंबईत उद्या लोकल सेवेवर मेगाब्लॉक, जाणून घ्या वेळापत्रक...
मुंबईत लोकल सेवेवर उद्या मेगाब्लॅाक, कुठे आणि कधी? असं आहे वेळापत्रक… #Mumbai#Mumbailocal#MegaBlock#CR#WRpic.twitter.com/JFbS19xke9
— Lokmat Mumbai (@LokmatMumbai) August 5, 2023