मुंबईतील डबेवाले सहा दिवस सुट्टीवर; नोकरदारांची गैरसोय होणार

डबेवाल्यांचा वक्तशीरपणा आणि चोख सेवेबद्दल नावलौकिक आहे

मुंबई : शहरातील नोकरदारांना दररोज वेळेवर घरचे जेवण पोहचविणारे डबेवाले ३० मार्च ते ४ एप्रिल सहा दिवस सुट्टीवर जाणार आहेत. ग्रामदैवतांच्या यात्रा व उत्सवानिमित्त हे डबेवाले उद्यापासून (सोमवार) सुट्टीवर जात आहेत. 

डबेवाल्यांचा वक्तशीरपणा आणि चोख सेवेबद्दल नावलौकिक आहे. हे डबेवाले प्रामुख्याने पश्चिम महाराष्ट्रातील मावळ, मुळशी, आंबेगाव, जुन्नर, खेड, अकोला आणि संगमनेर परिसरातील आहेत. ग्रामदैवतांच्या उत्सवानिमित्त ते गावी जाणार असल्याने नोकरदारांची गैरसोय होणार आहे. याबाबत डबेवाल्यांच्या असोसिएशनचे अध्यक्ष सुभाष तळेकर यांनी दिलगिरी व्यक्त केली आहे. या सुट्टीचा पगार कापू नये, असे आवाहन त्यांनी केले आ