मुंबई - आरे ते कफ परेड या भुयारी मेट्रो ३ मार्गिकेवर मासिक पास सुविधा शुक्रवारपासून सुरू करण्यात आली. मेट्रो कनेक्ट ३ अॅपवर हे सवलतीचे मासिक पास उपलब्ध होणार आहेत. त्यातून प्रवाशांना दरमहा ६० ट्रीप पासवर १५ टक्के, तर ४५ ट्रीप पासवर १० टक्के सवलत मिळणार आहे, अशी माहिती मुंबई मेट्रो रेल कॉर्पोरेशनच्या (एमएमआरसीए) अधिकाऱ्यांनी दिली.
काही दिवसांपूर्वीच दिव्यांग प्रवाशांसाठी एमएमआरसीने तिकीट दरात सवलत दिली होती. आता दरदिवशी प्रवास करणाऱ्यांना सुविधा उपलब्ध करुन देण्यास एमएमआरसीने सुरुवात केली आहे. दरदिवशी प्रवाशांना तिकीट काढावे लागू नये, तसेच दरदिवशी प्रवास करणाऱ्यांना काहीशी सवलत मिळावी या उद्देशाने एमएमआरसीने पास सुविधा दिली.
तिकीट खरेदी प्रक्रिया सोपीमेट्रो मार्गासाठी मोबाईल अ‍ॅपद्वारे पास सुविधा उपलब्ध करून देणारी मेट्रो ३ ही देशातील पहिली मेट्रो मार्गिकेचे संचलन करणारी यंत्रणा ठरली आहे.प्रवाशांसाठी २८ नोव्हेंबरपासून ही सुविधा सुरू करण्यात आली. हे पास प्रवास अधिक किफायतशीर करण्यासाठी तसेच तिकीट खरेदीची प्रक्रिया अधिक सोपी, डिजिटल व संपर्कविरहित करण्याच्या उद्देशाने तयार केली आहे. मेट्रो कनेक्ट ३ अॅपवर सोप्या पद्धतीने प्रवाशी पास खरेदी करून थेट मोबाईलद्वारे पास वापरू शकतात.
Web Summary : Mumbai Metro 3 introduces monthly passes with discounts up to 15% via the Metro Connect 3 app. This simplifies ticketing and offers savings for daily commuters, following recent concessions for disabled passengers. It's India's first metro with mobile pass facility.
Web Summary : मुंबई मेट्रो 3 ने मेट्रो कनेक्ट 3 ऐप के माध्यम से 15% तक की छूट के साथ मासिक पास शुरू किए। इससे टिकट खरीदना आसान होगा और दैनिक यात्रियों को बचत होगी। विकलांग यात्रियों के लिए रियायत के बाद यह सुविधा शुरू की गई है। यह मोबाइल पास सुविधा वाली भारत की पहली मेट्रो है।