लोकमत न्यूज नेटवर्क, मुंबई : राज्य सामाईक प्रवेश परीक्षा कक्षाने (सीईटी सेल) एमबीबीएस, बीडीएस, बीएएमएस, बीएचएमएस, बीयुएमएस, बीएनवायएस, बीपीटीएच, बीओटीएच या अभ्यासक्रमांच्या प्रवेशासाठी अर्ज करण्यास मुदतवाढ दिली आहे. आता विद्यार्थ्यांना यासाठी ४ ऑगस्टपर्यंत अर्ज करता येईल. त्यानंतर ११ ऑगस्टला पहिली गुणवत्ता यादी जाहीर केली जाणार आहे.
सीईटी सेलने यासाठी २३ जुलैपासून नोंदणी सुरू केली होती. विद्यार्थ्यांना आता ४ ऑगस्टपर्यंत अर्ज आणि ५ ऑगस्टपर्यंत नोंदणी शुल्क भरणा करता येणार आहे.
एलएलबीचेही वेळापत्रक घोषित
सीईटी सेलने एलएलबीच्या तीन वर्षे अभ्यासक्रमाच्या प्रवेशाचे वेळापत्रक जाहीर केले आहे. त्यात २ ऑगस्टला पहिली गुणवत्ता यादी जाहीर होणार आहे. विद्यार्थ्यांना पहिल्या आणि दुसऱ्या फेरीसाठी ३ ते ५ ऑगस्टदरम्यान अर्ज करता येतील, तर विद्यार्थ्यांना पहिल्या फेरीत कॉलेजांचे वाटप ८ ऑगस्टला केले जाईल. या विद्यार्थ्यांना ११ ते १३ ऑगस्टदरम्यान कॉलेजमध्ये जाऊन प्रवेश घेता येईल.
एमबीबीएस, बीडीएसचे वेळापत्रक
नोंदणीची मुदत ४ ऑगस्टशुल्क भरण्याची मुदत ५ ऑगस्टतात्पुरती गुणवत्ता यादी ६ ऑगस्टकॉलेजांचे पर्याय निवड ६ ते ९ ऑगस्टपहिली गुणवत्ता यादी ११ ऑगस्टकॉलेजांमध्ये प्रवेश १२ ते १७ ऑगस्ट