मुंबई : जैन आध्यात्मिक गुरूंच्या मार्गदर्शनामुळे आपली घशाची व्याधी बरी झाल्याचे महापौर रितू तावडे यांनी एका कार्यक्रमात केलेले वक्तव्य आणि त्यावर खासदार संजय राऊत यांनी केलेल्या विधानावरून व्यथित झालेल्या तावडे यांनी 'विरोधकांना माझी श्रद्धा दिसली नाही का?' असा सवाल करत माझ्या विधानावर केली गेलेली टीका ही खोटी, अपमानास्पद आणि अत्यंत लाजिरवाणी आहे,' अशा शब्दात प्रत्युत्तर दिले.
बोरीवलीतील एका कार्यक्रमात बोलताना, जैन महाराजांच्या मार्गदर्शनामुळे माझी घशाची व्याधी दूर झाली, असे विधान तावडे यांनी केले होते. त्यावर संजय राऊत यांनी बोचरी टीका केली होती. त्यावरून महापौर कमालीच्या उद्विग्न झाल्या. 'जैन महाराजांनी अनेक सामाजिक कामे केली आहेत, ती विरोधकांना दिसली नाहीत का? माझी श्रद्धा दिसली नाही का? असा सवाल करत माझ्यावर केलेले आरोप-टीका अपमानास्पद आणि लाजिरवाणे आहे,' असे प्रत्युत्तर त्यांनी दिले.
संजय राऊत यांनी बोलताना मर्यादा पाळायला हव्यात. महिलांबद्दल अशा पद्धतीने बोलणे अयोग्य आहे, असेही त्यांनी सुनावले. या वादात पालिकेतील विरोधी पक्षनेत्या किशोरी पेडणेकर यांनीही उडी घेतली. प्रत्येक भाषणानंतर महापौरांना सारवासारव करावी लागत आहे, असे त्या म्हणाल्या.
Web Summary : Mayor Ritu Tawde expressed anguish over criticism regarding her faith in a Jain guru who helped cure her ailment. She questioned the opposition's insensitivity, deeming the remarks insulting and inappropriate, especially against women. Opposition leader Kishori Pednekar criticized Tawde's need for constant damage control.
Web Summary : महापौर रितु तावडे ने जैन गुरु में अपनी आस्था पर आलोचना व्यक्त की, जिन्होंने उनकी बीमारी को ठीक करने में मदद की। उन्होंने विपक्ष की असंवेदनशीलता पर सवाल उठाते हुए कहा कि महिलाओं के खिलाफ की गई टिप्पणियाँ अपमानजनक और अनुचित हैं। विपक्षी नेता किशोरी पेडनेकर ने तावडे की लगातार डैमेज कंट्रोल की आवश्यकता की आलोचना की।