मुंबई : तांत्रिक बिघाडामुळे वारंवार लोकल सेवा ठप्प होणारे मध्य आणि हार्बर रेल्वेचे ग्रहण आता पश्चिम रेल्वेलाही लागले आहे. गेल्या काही दिवसांत दोन वेळा लोकल उशिराने धावत आहेत. आज सकाळी 7.10 च्या सुमारास माहीम स्थानकाजवळ तांत्रिक बिघाड झाला. यामुळे लोकल 15 ते 20 मिनिटे उशिराने धावत आहेत.
माहीमजवळ मालगाडीच्या इंजिनामध्ये तांत्रिक बिघाड झाला होता. आता हे इंजिन बाजुला करण्यात आले आहे. हार्बर लाईनवरील अंधेरीकडे जाणारी आणि येणारी रेल्वेलाईन बंद होती. ताज्या माहितीनुसार तांत्रिक बिघाड दुरुस्त करण्यात आला असून वाहतूक सुरु करण्यात आली आहे. मात्र, लोकल 20 मिनिटे उशिराने धावत आहेत.