कोवीड योद्ध्यांचा गौरव

कोविड योद्ध्यांचा गौरव

मुंबई : डी. बी. मार्ग पोलीस ठाणे, ग्रँटरोड पूर्व येथील पोलीस कर्मचारी व वरिष्ठ पोलीस निरीक्षक यांना नुकतेच कोवीड योद्ध्यांचा प्रमाणपत्र प्रदान करत गौरविण्यात आले. नमोनम: बहुद्देशीय संस्थेमार्फत हा गौरव करण्यात आला.

-------------------

विज्ञान शिष्यवृत्ती

मुंबई : मराठी विज्ञान परिषदेतर्फे, मूलभूत विज्ञानात उच्च शिक्षण घेण्यासाठी विद्यार्थ्यांना प्रोत्साहनपर साहाय्य मिळावे, या उद्देशाने २०१६ पासून शिष्यवृत्ती योजना राबविली जाते. या शिष्यवृत्तीसाठी अर्ज करण्याची अंतिम मुदत दि. २८ फेब्रुवारी असून, अधिक माहिती व अर्जासाठी परिषदेच्या संकेतस्थळाला भेट द्यावी, असे आवाहन करण्यात आले आहे.

------------------

कोंडी कायम

मुंबई : मुंबई आणि ठाणे शहराला जोडणाऱ्या लालबहादूर शास्त्री मार्गावर कुर्ला पश्चिम येथे बहुतांशी ठिकाणी रस्त्याचे काम सुरू आहे. मात्र हे काम करताना कामासाठी लागणारे साहित्य रस्त्यावर अस्त व्यस्त पडले आहे. त्यामुळे येथील रस्ता अरुंद झाला आहे. परिणामी वाहतूक कोंडी वाढत आहे. अस्त व्यस्त पडलेले साहित्य व्यवस्थित ठेवावे आणि येथे वाहतूक पोलीस तैनात करण्यात यावा, अशी मागणी स्थानिकांनी केली आहे.