लाखमोलाच्या घरांसाठी अर्ज केला का? म्हाडाच्या पहाडी गोरेगाव येथील घरे ऑन डिमांड

MHADA Home: म्हाडाच्या लॉटरीमधील पहाडी गोरेगाव येथे असलेल्या अत्यल्प गटातील घरांची किंमत ३२ लाख ३६ हजारांवर आहे. ही घरे प्रधानमंत्री आवास योजनेमधील आहेत, तर लॉटरीमधील इतर ठिकाणी अत्यल्प गटासाठी राखीव असलेल्या घरांसाठीही सर्वाधिक अर्जदारांचे अर्ज येण्याची शक्यता असून, या घरांची किंमत २९ लाखांपासून ५० लाखांवर आहे. पहाडी गोरेगाव येथील घरांना जास्त मागणी असून, यापूर्वीही या घरांकडे अर्जदारांचे अधिक लक्ष होते.

मुंबई -  म्हाडाच्या लॉटरीमधील पहाडी गोरेगाव येथे असलेल्या अत्यल्प गटातील घरांची किंमत ३२ लाख ३६ हजारांवर आहे. ही घरे प्रधानमंत्री आवास योजनेमधील आहेत, तर लॉटरीमधील इतर ठिकाणी अत्यल्प गटासाठी राखीव असलेल्या घरांसाठीही सर्वाधिक अर्जदारांचे अर्ज येण्याची शक्यता असून, या घरांची किंमत २९ लाखांपासून ५० लाखांवर आहे. पहाडी गोरेगाव येथील घरांना जास्त मागणी असून, यापूर्वीही या घरांकडे अर्जदारांचे अधिक लक्ष होते.

म्हाडा मुंबई मंडळातर्फे मुंबईतील विविध गृहनिर्माण प्रकल्पांमधील २६४० सदनिकांच्या विक्रीसाठी आयोजित संगणकीय सोडतीकरिता ऑनलाइन अर्ज नोंदणी व अर्ज स्वीकृती प्रक्रियेला ३० मार्च रोजी ‘गो लाइव्ह’ समारंभाद्वारे प्रारंभ करण्यात आला होता. ९ एप्रिलपर्यंत १२,६५४ अर्ज आले असून, यापैकी ६,५१५ अर्जदारांनी अनामत रक्कम भरली आहे.

अर्जदारांची पात्रता सोडतीच्या आधीच निश्चित होणार असून, या प्रणालीने पात्र ठरविलेले अर्जदारच सोडतीत सहभाग घेऊ शकतील. सोडतीअंतर्गत एकूण ९७ विविध ठिकाणी गृहनिर्माण प्रकल्पांचा समावेश आहे.

साेडतीतील अत्यल्प गटातील घरांची किंमत
विक्रोळी    ४९ लाख 
पहाडी गोरेगाव    ३२ लाख ३६ हजार
वडाळा    ४१ लाख ५१ हजार 
विक्रोळी    ३५ ते ३८ लाख 
मानखुर्द     २९ लाख ३७ हजार 
चांदिवली    २६ लाख ७० हजार