मुंबई: मुंबई महानगरपालिकेच्या २२७ जागांसाठी आज सकाळपासूनच उत्साहात मतदानाला सुरुवात झाली आहे. मात्र, मतदानाच्या पहिल्या काही तासांतच दादरमधील वॉर्ड क्रमांक १९२ मध्ये 'दुबार मतदार' आढळल्याने खळबळ उडाली आहे. मनसेचे उमेदवार यशवंत किल्लेदार हे मतदान करण्यासाठी गेले असता त्यांच्यासमोरच हा मतदार सापडल्याने सुरक्षा यंत्रणांची चांगलीच धावपळ उडाली होती.
मनसे अध्यक्ष राज ठाकरे यांनी "दुबार मतदार दिसला तर त्याला तिथेच फोडून टाका," असे आक्रमक आदेश कार्यकर्त्यांना दिले होते. याच पार्श्वभूमीवर मनसे कार्यकर्ते सतर्क असताना, वॉर्ड १९२ मध्ये एक महिला मतदार दुबार यादीत असल्याचे समोर आले. यशवंत किल्लेदार स्वतः केंद्रावर उपस्थित असताना हा प्रकार घडला. संबंधित महिलेला तातडीने थांबवून तिची चौकशी करण्यात आली.
या गोंधळानंतर निवडणूक अधिकाऱ्यांनी मध्यस्थी केली. संबंधित महिला मतदाराचे आधार कार्ड तपासून आणि त्यांच्याकडून प्रतिज्ञापत्र भरून घेऊन त्यांना मतदानाची परवानगी देण्यात येणार आहे. "हा सर्व प्रकार निवडणूक आयोगाच्या हलगर्जीपणामुळे घडला आहे. यादीत इतक्या मोठ्या चुका असतील तर पारदर्शक निवडणूक कशी होणार?" असा सवाल यशवंत किल्लेदार यांनी केला आहे.
Web Summary : A duplicate voter was discovered in Dadar's ward 192 during Mumbai municipal elections, right before a MNS candidate. After verification, the woman was allowed to vote after submitting an affidavit. The MNS candidate questioned the election commission's transparency.
Web Summary : मुंबई नगर निगम चुनाव के दौरान दादर के वार्ड 192 में एक मनसे उम्मीदवार के सामने एक दुबारा मतदाता पाया गया। सत्यापन के बाद, महिला को हलफनामा जमा करने के बाद वोट डालने की अनुमति दी गई। मनसे उम्मीदवार ने चुनाव आयोग की पारदर्शिता पर सवाल उठाया।