लोकमत न्यूज नेटवर्क, मुंबई : ठाकरे बंधूंच्या युतीमधील जागावाटपात अनेकांना उमेदवारी मिळाली नाही. त्यामुळे काही पदाधिकारी नाराज झाले असून, त्यांना आपल्या पक्षात आणण्यासाठी उपमुख्यमंत्री एकनाथ शिंदे थेट मैदानात उतरले आहेत. मनसेचे शिवडी विभाग अध्यक्ष संतोष नलावडे यांना पक्षात आणून शिंदे यांनी दक्षिण मुंबईत ठाकरे बंधूंना मोठे आव्हान दिले आहे.
मनसे नेते बाळा नांदगावकर यांचे विश्वासू पदाधिकारी नलावडे यांनी शिंदे यांच्या उपस्थितीत शिंदेसेनेत प्रवेश केला. शिवडी, लालबाग, परळ या गिरणगाव पट्टयातील मराठी मतदारांना मनसेशी जोडून ठेवण्यात त्यांचा मोठा वाटा आहे. मात्र, ऐन निवडणुकीच्या तोंडावर त्यांनी शिंदेसेनेत प्रवेश करीत पक्षाला धक्का दिला आहे. शिंदे यांनी प्रचारादरम्यान उद्धवसेनेचे माजी आ. दगडू सकपाळ यांची भेट घेत प्रकृतीची विचारपूस केली. मुलगी रेश्मा हिच्यासाठी सकपाळ यांनी उद्धवसेनेकडे उमेदवारी मागितली होती. मात्र, येथे श्रद्धा पेडणेकर यांना उमेदवारी दिल्याने ते नाराज आहेत.
'सध्या तरी पक्ष सोडण्याचा विचार नाही'
माजी आ. सकपाळ यांनी सध्या तरी पक्ष सोडण्याचा विचार नाही. कुठे गेलो तरी 'मातोश्री'वर टीका करणार नाही. म्हातारा झाल्यावर माणसाची गरज संपते, अशी खंत व्यक्त करत कुणाला गरज वाटली तर पुढे विचार करू, असा सूचक इशारा दिला आहे. प्रकृतीची विचारपूस करण्यासाठी शिंदे आले होते. दुसरे काहीही नाही, असेही त्यांनी स्पष्ट केले.
Web Summary : Eknath Shinde woos disgruntled Uddhav Sena members denied candidacy. MNS leader Santosh Nalavade joins Shinde's camp, challenging Thackeray's influence in South Mumbai. Shinde also visited former MLA Dagdu Sakpal, whose daughter was denied candidacy, fueling speculation despite Sakpal's denial of immediate departure.
Web Summary : एकनाथ शिंदे ने उम्मीदवारी से वंचित नाराज़ उद्धव सेना के सदस्यों को लुभाया। एमएनएस नेता संतोष नलावडे शिंदे के खेमे में शामिल हुए, जिससे दक्षिण मुंबई में ठाकरे के प्रभाव को चुनौती मिली। शिंदे ने पूर्व विधायक दगडू सकपाल से भी मुलाकात की, जिनकी बेटी को उम्मीदवारी से वंचित कर दिया गया था, जिससे सकपाल के तत्काल प्रस्थान से इनकार के बावजूद अटकलें तेज हो गईं।