उच्च न्यायालयाजवळील 'पदपथ' दाखवूनच द्या!

नगरसेवक मकरंद नार्वेकर यांचे आयुक्तांना आव्हान

मुंबई : उच्च न्यायालयाजवळील के. बी. पाटील रोडवर २ मीटर रुंदीचा पादचारी मार्ग उपलब्ध असल्याच्या मुंबई महापालिकेच्या अहवालावर भाजप नगरसेवक मकरंद नार्वेकर यांनी आक्षेप घेतला आहे. पदपथ असल्याचे आयुक्तांनी प्रत्यक्षात दाखवावे, असे आव्हानच त्यांनी दिले आहे. पालिका राज्य सरकारला धडधडीत खोटे सांगून दिशाभूल करत आहे, असे ते म्हणाले.

ए वॉर्डमधील आकांक्षी शौचालयांविरोधात नार्वेकर यांच्या भाजप नगरसेवकांनी आंदोलन नेतृत्वाखाली केले होते. त्यानंतर पालिकेने राज्य सरकारला सादर केलेल्या अहवालात स्वतःच्या 'पादचारी प्रथम' धोरणाचे उल्लंघन झाल्याचे मान्य केले असून, योग्य पादचारी जागा उपलब्ध करून देण्याचा प्रस्ताव दिला आहे, असा दावा त्यांनी केला. י

नगर विकास विभागाला सादर केलेल्या आणि नंतर विधान मंडळाला सादर करण्यात आलेल्या या अहवालात, लायन गेटसमोर असलेल्या आकांक्षी शौचालयाजवळ ०.९ मीटर ते १.५ मीटर रुंदीचा पादचारी मार्ग प्रस्तावित केल्याचे नमूद केले आहे. मी हा मुद्दा उपस्थित केल्यानंतर पादचारी मार्गाचा प्रस्ताव तयार केला. याचा अर्थ पालिकेने पादचारी प्रथम धोरणाचे पालन केले नाही, याची कबुलीच आहे, असे ते म्हणाले. 

जुलै २०२५ मध्ये, मुंबई भाजप अध्यक्ष आमदार अमित साटम यांच्यासह निवडून प्रतिनिधींनी आलेल्या आकांक्षी शौचालयांच्या बांधकामातील विविध अनियमिततेबाबत प्रश्न उपस्थित केले होते. त्यावर उद्योगमंत्री उदय सामंत यांनी आकांक्षी शौचालयांच्या बांधकामावर चौकशी पूर्ण होईपर्यंत स्थगिती दिली जाईल, आणि ही चौकशी ३० दिवसांत पूर्ण केली जाईल, असे सभागृहात सांगितले होते, याकडे नार्वेकर यांनी लक्ष वेधले.