26/11 Terror Attack : ...तर कसाब आणि अबू इस्माईल सीएसएमटी स्टेशनातून बाहेर पडूच शकले नसते!
By ऑनलाइन लोकमत | Published: November 26, 2018 12:25 PM2018-11-26T12:25:03+5:302018-11-26T12:57:08+5:30
मुंबईवर झालेल्या 26/11 च्या हल्ल्याला 10 वर्षे पूर्ण झाली आहेत. दहशतवादी हल्ल्याची भीती अद्याप मुंबईकरांच्या मनात कायम आहे.
26/11 Terror Attack : ...तर कसाब आणि अबू इस्माईल सीएसएमटी स्टेशनातून बाहेर पडूच शकले नसते!
Next मुंबई - मुंबईवर झालेल्या 26/11 च्या हल्ल्याला 10 वर्षे पूर्ण झाली आहेत. दहशतवादी हल्ल्याची भीती अद्याप मुंबईकरांच्या मनात कायम आहे. मात्र मुंबईवर हल्ला झाला त्यावेळी स्टेशन परिसरात उपस्थित असलेले पोलीस भयभीत झाल्याचे दिसून आले. त्यामुळे अजमल कसाब आणि अबू इस्माईल यांनी सीएसएमटी स्टेशनातून पळ काढल्याचे फोटोग्राफर सबॅस्टियन डि'सुझा यांनी म्हटलं आहे. मुंबईच्या छत्रपती शिवाजी महाराज टर्मिनस (CSMT) स्टेशनवर बेछूट गोळीबार करणाऱ्या हल्लेखोरांचे फोटो सबॅस्टियन डि'सुझा यांनी टिपले होते. एका इंग्रजी वृत्तपत्राने याबाबतचे वृत्त दिले आहे.
डि'सुझा यांनी काढलेला कसाबचा फोटो न्यायालयात त्याच्याविरुद्धच्या खटल्यात महत्त्वाचा पुरावा ठरला होता. मात्र स्टेशन परिसरात असलेल्या पोलिसांनी कसाब आणि अबू इस्माईलला ठार मारले असते तर अनेक लोकांचे जीव वाचले असते असे सबॅस्टियन डि'सुझा यांनी म्हटलं आहे. पाकिस्तानच्या दहा अतिरेक्यांनी 26 नोव्हेंबर 200८ रोजी रात्री समुद्रमार्गे दक्षिण मुंबईत प्रवेश केला होता. त्यांनी ताज हॉटेल, लिओपोल्ड कॅफे, नरिमन हाउस, हॉटेल ओबेरॉय, सीएसएमटी, कामा रुग्णालय या ठिकाणी अंदाधुंद गोळीबार केला होता. त्यामध्ये अधिकाऱ्यांसह शेकडो निरपराध नागरिकांचे प्राण गेले तर अनेक जण जखमी झाले होते.
26/11 Mumbai Attack : अजमल कसाब म्हणाला होता, 'मला लॉकअपमध्येच मारा' https://t.co/3A7I5Yt4hN #MumbaiTerrorAttack
— Lokmat Media Pvt Ltd (@MiLOKMAT) November 26, 2018
सबॅस्टियन डि'सुझा दहा वर्षांपूर्वी मुंबई मिरर या दैनिकात फोटो एडिटर म्हणून काम करत होते. त्यावेळी त्यांनी कसाबचा फोटो काढला. सध्या ते निवृत्त झाले असून गोव्यात राहतात. सीएसएमटी स्टेशनवर हल्लेखोर गोळीबार करत असताना डि'सुझा फोटो काढत राहिले. त्यातल्याच एका फोटोत कसाब कार्गो पँट, टी-शर्ट घालून, हातातल्या रायफलसह स्टेशनवर चालताना दिसतो. कसाबवरील आरोप सिद्ध झाल्यावर 2010 मध्ये त्याला मृत्युदंड ठोठावण्यात आला. सर्वोच्च न्यायालयानं ती शिक्षा कायम ठेवल्यावर कसाबला 21 नोव्हेंबर 2012 रोजी पुण्याच्या येरवडा तुरुंगात फाशी देण्यात आली.
26/11 Mumbai Attacks: मुंबईसह राज्यात कडेकोट बंदोबस्त, गर्दीच्या ठिकाणी पहारा https://t.co/p9Kgy2VrsX#MumbaiTerrorAttack#Mumbaiattack
— Lokmat Media Pvt Ltd (@MiLOKMAT) November 26, 2018
मुंबई हल्ल्यातील दहशतवाद्यांना पकडण्यासाठी अमेरिकेकडून 35 कोटींचे बक्षीस https://t.co/FBRwfK8VnP#MumbaiTerrorAttack#MumbaiAttacks#America
— Lokmat Media Pvt Ltd (@MiLOKMAT) November 26, 2018