स्टार प्रवाह (Star Pravah) वाहिनीवरील 'रंग माझा वेगळा' (Rang Maza Vegla) मालिका गेल्या बऱ्याच दिवसांपासून टीआरपीच्या शर्यतीत अग्रेसर आहे. ही मालिका सध्या उत्कंठावर्धक वळणावर आली आहे. या मालिकेत नवा ट्विस्ट आला आहे. कार्तिक आणि दीपा पुन्हा एकत्र येणार असून त्यांचे नाते बहरताना दिसणार आहे.
रंग माझा वेगळा मालिकेत दीपिका आणि कार्तिकीला दीपा, कार्तिक आई वडील म्हणून हवे आहेत. त्या दोघांना एकत्र आणण्यासाठी ते सध्या प्रयत्न करत आहेत. यात त्यांना सौंदर्यादेखील मदत करते आहे. नुकत्याच प्रसारीत झालेल्या भागात, सौंदर्या दीपाला घरी बोलवते. तुझी वस्तू द्यायची आहे, असे सांगते. सौंदर्या दीपाला त्यांच्या लग्नाचा अल्बम देते. तो अल्बम दीपा घरी घेऊन येते आणि कार्तिकीच्या हाती लागू नये म्हणून कपाटात ठेवून देते. तर दुसरीकडे कार्तिक आयशाचे ऐकून दीपिकाला खोटे सांगतो. दुसऱ्याच कोणाचा तरी फोटो दाखवून ही तुझी आई आहे, असे सांगतो. तिचे तुझ्या जन्माच्या वेळी निधन झाले. हे ऐकून दीपिकाला खूप वाईट वाटते.