कलर्स वाहिनीवरील सगळ्यांत वादग्रस्त शो ‘बिग बॉस12’ची सुरूवात झाली आहे. काल रविवारी रात्री या शोचा होस्ट सलमान खानने ‘बिग बॉस12’च्या घरात जाणाऱ्या जोड्यांची ओळख करून दिली दिली. या जोड्या पाहिल्यानंतर प्रेक्षक यंदाचे सीझन चांगलेचं एन्जॉय करणार, असे भासतेय.‘बिग बॉस12’च्या घरात जाणारी सगळ्यांत चर्चित जोडी म्हणजे, भजनसम्राट अनूप जलोटा आणि त्यांची गर्लफ्रेन्ड जसलीन मथारू यांची. होय, काल ‘बिग बॉस12’ प्रीमिअरदरम्यान अनूप आणि जसलीन या दोघांनी नॅशनल टीव्हीवर त्यांच्या प्रेमाची कबुली दिली. ६५ वर्षांचे अनूप जलोटा अतिशय ग्लॅमरस अन् बोल्ड जसलीनला डेट करत आहेत. ती त्यांच्यापेक्षा ३७ वर्षांनी लहान आहे. आजपर्यंत अनूप व जसलीन दोघांनीही आपले नाते जगापासून लपवून ठेवले आणि अखेर नॅशनल टीव्हीसमोर याचा खुलासा केला.
जसलीनने ‘बिग बॉस12’च्या मंचावर हा धक्कादायक खुलासा सगळ्यांच्या भुवया उंचावल्या. मी आज नॅशनल टीव्हीवर हा खुलासा करेल, तेव्हा माझ्या आईवडिलांनाही धक्का बसणार. त्यांना माझ्या व अनूप यांच्या रिलेशनशिपबद्दल जराही भणक नव्हती. आम्ही दोघेही गेल्या साडे तीन वर्षांपासून एकमेकांना डेट करतोय. बिझी शेड्यूलमुळे आम्हाला एकमेकांसाठी वेळ मिळत नाही. ‘बिग बॉस12’च्या घरात आम्ही एकत्र वेळ घालवू. सोबतचं आयुष्यात आम्हाला काय हवेय, हेही आम्हाला कळून येईल, असे जसलीन म्हणाली. जसलीन ही अतिशय ग्लॅमरस अन् बोल्ड आहे. अनूप यांच्याकडे संगीत शिकता शिकता ती त्यांच्या प्रेमात पडली.दरम्यान अनूप व जसलीन यांचे नात्यांवर प्रेक्षकांची प्रतिक्रिया विचाराल तर अनेकांनी नकारात्मक प्रतिक्रिया दिली आहे. काही जण यात काही गैर नाही, असे सांगणारे आहेत. पण बहुतांश लोकांनी अनूप इतक्या लहान मुलीला कसे डेट करू शकतात, असा प्रश्न विचारला आहे. तुम्ही नेटिजन्सच्या प्रतिक्रिया खाली वाचू शकतात.