स्वप्निल रंगणार ‘लाल इश्क...’मध्ये

स्वप्निल जोशीची मोस्ट अवेटेड फिल्म ‘लाल इश्क... गुपित आहे साक्षीला’ आता मोठ्या पडद्यावर झळकण्यास सज्ज झाली आहे. संजय लीला भन्साली यांची ही पहिलीच मराठी फिल्म असून प्रेक्षकांमध्ये या सिनेमाविषयी कमालीची उत्सुकता होती. परंतु, आज स्वप्निलने त्याच्या चाहत्यांच्या क्युरिओसिटीला फुलस्टॉप दिला असून लाल इश्क हा सिनेमा २७ मे रोजी प्रदर्शित होणार असल्याची गुडन्यूज दिली आहे. अंजना सुखानी ही स्वप्निलच्या अपोझिट या फिल्ममध्ये पाहायला मिळणार असून, एक दमदार लव्ह स्टोरी लवकरच सर्वांच्या भेटीला येणार आहे. या फिल्मची सर्व टीमच या चित्रपटासाठी जबरदस्त उत्सुक असून, सर्वांनी आज फिल्म रीलीझिंग डेटची अनाउन्समेंट केली आहे. अंजना सुखानी पहिल्यांदा मराठी सिनेमात तिच्या अभिनयाची जादू दाखविणार असून ती म्हणतेय, माझी मराठी फिल्म २७ मे रोजी येतेय. या सर्व कलाकारांची एक्साइटमेंट आपल्याला पाहायला मिळत आहे. याबाबत सीएनएक्सने स्वप्निलचा एक्स्लुझिव्ह इंटरव्ह्यू घेतला असता तो म्हणाला, संजय लीला भन्साली यांच्या चित्रपटात काम करण्यासाठी बॉलीवूडचे कलाकार अगदी लाइनमध्ये असतात आणि त्यांनी जेव्हा मराठी सिनेमा बनवायचे ठरविले अन् त्यातील लीड रोलसाठी माझे सिलेक्शन केले, यासाठी मी खूपच आनंदी आहे. संजय लीला भन्साली आणि शबिना खान यांच्यासोबत काम करणे म्हणजे माझ्यासाठी दुग्धशर्करा योगच होता.