श्रेयस म्हणतोय...परदा ना हटाओ

परदे में रहने दो.. परदा ना उठाओ... परदा जो ऊठ गया तो राज खुल जायेगा... हे गाणं सध्या आपला चॉकलेट बॉय श्रेयस तळपदेला म्हणावंसं वाटतंय. आता असे काय गुपित आहे, की तो हे गाणे गातोय? तर त्याचे झाले असे, की श्रेयसने एक फोटो सोशल साइटवर अपलोड केला आहे. या फोटोमध्ये त्याच्या शेजारी एक मुलगी बसली असून ती आपला चेहरा कपड्याने झाकत असल्याचे दिसत आहे. आता ही कोण मुलगी आहे, जी समोर येत नाहीये. अन् श्रेयसपण म्हणतोय की, परदे में रहने दो. कदाचित श्रेयसच्या नव्या सिनेमाची हीरोईन तर नसेल ना, की जिला तो सगळ्यांपासून दूर ठेवत आहे अन् चित्रपट रीलीज होईपर्यंत हा राज ओपन करू नकोस, हेच या गाण्यातून कदाचित सांगतही असेल. एवढेच नाही, तर तो तिला लीडिंग लेडीसुद्धा म्हणतोय. आता श्रेयसची ही लीडिंग लेडी कोण आहे, हे पाहणे खरेच औत्स्युक्याचे ठरेल.