'सुपर डान्सर ४'मधील परीचा परफॉर्मन्स पाहून थक्क झाल्या नीतू कपूर

सुपर डान्सर ४मध्ये अभिनेत्री नीतू कपूर यांनी हजेरी लावली होती.

छोट्या पडद्यावरील लोकप्रिय डान्सिंग शो सुपर डान्सरच्या चौथ्या सीझनला प्रेक्षकांचा खूप चांगला प्रतिसाद मिळतो आहे. या वीकेंडला सुपर डान्सर सीझन ४ मध्ये स्पर्धक नीतू कपूरच्या लोकप्रिय गाण्यांवर परफॉर्म करतील आणि आपल्या डान्स स्टाइलमधून या ज्येष्ठ अभिनेत्रीला मनाचा मुजरा करतील. स्पर्धक परी आणि तिचा सुपर गुरु पंकज थापा यांनी ‘छू कर मेरे मन को’ या नीतू कपूर यांच्या गाजलेल्या गाण्यावर परफॉर्म केले आणि आपल्या परफॉर्मन्सने सगळ्यांनाच थक्क करून सोडले. परीच्या त्या भावनाप्रधान परफॉर्मन्सने नितू कपूर अवाक झाली. इतके भावनाप्रधान गाणे या दोघांनी आपल्या परफॉर्मन्सने किती गोड केले हे पाहून तिला आश्चर्य वाटले. इतक्या कोवळ्या वयात परीचे अप्रतिम नृत्य कौशल्य पाहून नीतू कपूर यांनी एक आठवण सांगितली जेव्हा ती स्वतः पाच वर्षांची होती आणि सूरज चित्रपटासाठी तिने पहिला शॉट दिला होता. तो डोंगरावर पळत जाण्याचा शॉट तिला पुन्हा पुन्हा अख्खा दिवस द्यावा लागला होता आणि तिचे पाय सोलवटून गेले होते. यानंतर, शिल्पा शेट्टी कुंद्राने त्या दोघांच्या परफॉर्मन्सचे कौतुक केले, विशेषतः सुपर गुरु पंकजचे. तिने त्याला सांगितले की आजवरच्या त्याचा हा सर्वोत्कृष्ट परफॉर्मन्स होता आणि तो पाहून ती खरोखर हेलावून गेली.

रणबीरची चाहती असलेल्या परीने नीतू कपूर यांना विचारले की, रणबीर अजूनही खट्याळ आहे का. यावर नितू कपूर उत्तरली, “रणबीर लहानपणी खूप खट्याळ होता आणि त्याला सगळ्या गोष्टींबद्दल उत्सुकता असायची. तो सतत काही ना काही खोड्या करत असायचा.” त्या पुढे म्हणाली, “पण मला आनंद वाटतो की, आता तो खूप समंजस झाला आहे.” 

अनुराग बसूने रणबीरचा एक किस्सा सांगितला. बर्फीच्या सेट्सवर एकदा रणबीर कपूरला दुखापत झाली होती, तेव्हा त्याची काळजी घेण्यासाठी त्याच्या आसपास सगळेजण असूनही त्याने मात्र लगेच आपल्या आईला फोन लावला होता.