मिर्झापूर (Mirzapur) आणि मिर्झापूर २ या वेबसीरिजनंतर मिर्झापूर ३ची बऱ्याच दिवसांपासून प्रतीक्षा होती. मिर्झापूर सीझन ३ बद्दल बऱ्याच दिवसांपासून चर्चा आहे. पण आता मिर्झापूर ३ संदर्भात मोठी बातमी समोर आली आहे. हे कळल्यानंतर वेब सीरिजची वाट पाहणाऱ्या प्रेक्षकांची उत्सुकता दुप्पट होऊ शकते. मिर्झापूर २ मध्ये कालिन भैय्या म्हणजेच पंकज त्रिपाठीचा मुलगा मुन्ना त्रिपाठी म्हणजेच दिव्येंदू शर्मा याचा मृत्यू दाखवण्यात आला होता. तेव्हापासून वेब सीरिजचे प्रेक्षक मिर्झापूर ३ ची वाट पाहत आहेत. अशा परिस्थितीत या वेब सीरिजच्या तिसऱ्या सीझनबाबत बातमी आहे की, कालिन भैय्याचा मुलगा यात पुन्हा एंट्री करणार आहे.
याशिवाय मिर्झापूर ३ कधी प्रदर्शित होणार याबाबतही बातम्या समोर आल्या आहेत. GQ इंडियाच्या रिपोर्टनुसार, मिर्झापूर ३ मार्चच्या शेवटच्या आठवड्यात Amazon प्राइम व्हिडिओवर रिलीज होऊ शकतो. तथापि, मिर्झापूर ३ च्या प्रदर्शनाच्या तारखेबाबत चित्रपटाच्या निर्मात्यांनी अद्याप कोणतीही अधिकृत घोषणा केलेली नाही. मिर्झापूर सीझन ३ पंकज त्रिपाठी पुन्हा एकदा अखंडानंद त्रिपाठी उर्फ कालिन भैयाच्या भूमिकेत दिसणार आहे.
जगभरातून 'मिर्झापूर'ला मिळाला चांगला प्रतिसाद
अली फजल पुन्हा गुड्डू पंडितच्या भूमिकेत परतणार आहे, जो पुन्हा बदला घेण्यासाठी सज्ज आहे. विशेष म्हणजे दिव्येंदू देखील फुलचंद उर्फ मुन्ना त्रिपाठीच्या भूमिकेत मिर्झापूर ३ मध्ये पुनरागमन करण्यास सज्ज आहे. तर रसिका दुग्गल बीना त्रिपाठी आणि श्वेता त्रिपाठी शर्मा गजगामिनी उर्फ गोलू गुप्ताच्या भूमिकेत दिसणार आहे. मिर्झापूर आणि मिर्झापूर २ अशा वेब सीरिज आहेत ज्यांना जगभरात खूप पसंती मिळाली आहे.