मानसी नाईक नुकतीच बॉयफ्रेंड प्रदीप खरेरासोबत लग्नबेडीत अडकली आहे. लग्नानंतर ती प्रदीप खरेराच्या गावी फरीदाबादला गेली होती. नुकतेच ते दोघे मुंबईत परतले आहेत. दरम्यान आता मानसीने प्रदीपसोबतचा एक व्हिडीओ शेअर केला आहे. तसेच तिने काही रोमँटिक अंदाजातील फोटोदेखील शेअर केले आहेत. तिच्या या व्हिडीओ आणि फोटोंना चाहत्यांची खूप पसंती मिळते आहे.
मानसी नाईकने प्रदीप खरेरासोबतचा रोमँटिक व्हिडीओ नुकताच शेअर केला आहे. हा व्हिडीओ शेअर करत तिने, आता सकाळ अशी होत असल्याचे म्हटले आहे. मानसीच्या या व्हिडीओला चाहत्यांची खूप पसंती मिळते आहे.
तसेच मानसीने प्रदीप खरेरासोबतचे रोमँटिक फोटो देखील शेअर केले आहेत. यात दोघांनी एकाच पॅटर्नचे आऊटफिट घातले आहेत. या फोटोंवर लाइक्स आणि कमेंट्सचा वर्षाव होताना दिसत आहे.
मानसीचा नवरा प्रदीप खरेरा हा इंटरनॅशनल बॉक्सर आहे. त्यासोबतच तो अभिनेता आणि मॉडेल आहे. प्रदीप त्याच्या सोशल मीडियावर नेहमीच त्याचे फोटो पोस्ट करत असतो. तो इन्स्टाग्रामवर नेहमीच सक्रिय असतो. त्याला इन्स्टाग्रामवर पाच लाखांहून अधिक जण फॉलो करतात. प्रदीपच्या लूक्सवर त्याचे चाहते चांगलेच फिदा आहेत.