बॉलिवूडचा सीरिअल किसर इमरान हाश्मी (Emraan Hashmi)ने रुपेरी पडद्यावर बऱ्याच अभिनेत्रींसोबत रोमँटिक सीन्स दिले आहेत. मात्र एकदा त्याच्यासोबत असे काही झाले की किसिंग सीनदरम्यान तो कावराबावरा झाला होता. हे 'अजहर' (Azhar Movie) चित्रपटाच्या शूटिंगदरम्यान घडले. 'अजहर' चित्रपटात इमरान हाश्मीसोबत अभिनेत्री नरगिस फाखरी (Nargis Fakhri)मुख्य भूमिकेत होते. या चित्रपटाच्या सेटवर दिग्दर्शक कट बोलल्यानंतरही नरगिस इमरान किस करताना थांबली नाही. त्यानंतर सर्वजण अवाक् झाले होते.
हा किस्सा आहे २०१६ सालचा. जेव्हा इमरान हाश्मी आणि नरगिस फाखरीचा 'अजहर' हा चित्रपट रिलीज झाला होता. या चित्रपटातील बोल दो ना जरा गाण्याचे शूटिंग करत होते. या गाण्याच्या मेकिंगचा व्हिडीओ व्हायरल होत आहे. यात इमरान आणि नरगिस किसिंग सीनबद्दल बोलताना दिसत आहे. या व्हिडीओत नरगिस म्हणते की, मला इमरानला पाच वेळा किस करावे लागले आणि मी त्यासाठी एक्स्ट्रा चार्ज देणार होते. कारण मला असे वाटू लागले होते की, हे तर माझ्या करारात नव्हते. ती पुढे म्हणाली की, मला माहित आहे की, इमरान यामुळे खूप खूश होते. मात्र इमरान यांनी असा अभिनय केला की, हे देवा मला खरंच माहित नव्हते की हे काय चाललं आहे. तो खरंच खोटारडा आहे आणि त्याला हे आवडते.
माजी क्रिकेटरचा होता बायोपिक
'अजहर' चित्रपट माजी क्रिकेटर मोहम्मद अजरुद्दीनचा बायोपिक होता. यात इमरान हाश्मीने मोहम्मद अजहरुद्दीनची भूमिका साकारली होती. तर नरगिस फाखरी संगीता बिजलानीच्या भूमिकेत दिसणार आहे. या चित्रपटाचे दिग्दर्शन टोनी डिसूझा- अँथनी डिसूझाने केले होते. या चित्रपटात प्राची देसाईदेखील होती.