ऑनलाइन लोकमतनवी दिल्ली, दि. 26 - कॉमेडी किंग कपिल शर्माशी तथाकथित झालेल्या वादानंतर डॉ. महशूर गुलाटी उर्फ सुनील ग्रोव्हर आपला नवा शो घेऊन येत आहे. त्याला साथ मिळाली आहे ती बंपर उर्फ किकू शारदाची. सुनील ग्रोव्हरने ही माहिती आपल्या ट्विटर वरुन दिली आहे. 1 एप्रिलला दिल्लीत सुनील आणि किकू हे दोन्ही कॉमेडियन एक लाईव्ह शो करणार आहेत. या शोचे नाव डॉ. मशहूर गुलाटी कॉमेडी क्लिनिक असे ठेवण्यात आले आहे. कपिलसोबतच्या वादानंतर सुनील नवा शो घेऊन येणार, अशी चर्चा असल्याने सुनीलचा हा लाईव्ह शो महत्त्वपूर्ण मानला जात आहे.माध्यमांच्या वृत्तानुसार, कपिल शर्मा आणि सुनिल ग्रोव्हर यांच्यातील वाद वाढतच आहे. दोघांच्या मैत्रीत आलेल्या दुराव्याचा फटका बसून शो बंद पडण्याची शक्यता आहे. दोघांमधील वाढत्या वादामुळे सोनी चॅनल हा शो बंद करण्याचा विचार करत असल्याचं वृत्त आहे. याबाबत चॅनलकडून अधिकृतपणे कोणतीही माहिती देण्यात आलेली नाही. पण जर हा कारार न वाढवल्यास प्रेक्षकांचा आवडीचा हा शो बंद पडू शकतो. तर इंडियन एक्सप्रेसच्या वृत्तानुसार शो बंद होणार नाही, चॅनलने करार वाढवण्यास नकार दिलेला नाही. काही मोठ्या सेलिब्रीटींनी शोमध्ये येण्यास नकार दिला आहे, त्यामुळे शूटिंग रद्द करण्याची नामुष्की कपिलवर आली असं वृ्त डीएनएने दिलं आहे. त्यामुळे आपला आगामी सिनेमा 'फिरंगी'च्या शूटिंगसाठी कपिल बिकानेरला रवाना झाला असून 29 मार्चला मुंबईत परतणार असल्याचं या वृ्त्तात म्हटलं आहे. काय आहे प्रकरण - कपिल शर्माने ऑस्ट्रेलियाहून येत असताना सुनिल ग्रोव्हरला विमानात मारहाण केल्याचं वृत्त आल्यानंतर मोठा वाद सुरू झाला. कपिल शर्मा आपल्या संपूर्ण टीमसह ऑस्ट्रेलियातील सिडनी आणि मेलबर्नमध्ये शोसाठी गेला होता. हा शो संपवून हे सर्वजण ऑस्ट्रेलिया ते मुंबई असा इकॉनॉमी क्लासने प्रवास करत होते. यावेळी कपिलनं दारुच्या नशेत सुनिल ग्रोवरला मारहाण केली. या मारहाणीवेळी कपिल शर्माने सुनिल ग्रोवरसाठी अपमानास्पद भाषेचाही वापर केल्याचं स्पॉटबॉयने म्हटलं आहे.
डॉ. मशहूर गुलाटी उर्फ सुनील ग्रोव्हरचा नवा शो
By admin | Updated: March 26, 2017 16:36 IST