सुयशने टाकले चाहत्यांना कोड्यात

प्रत्येक व्यक्ती हा आपल्याजवळ काहीतरी भन्नाट गोष्ट असल्यास ती सोशल मीडियावर शेअर करीत असतो. नुकतेच सुयशने सोशल मीडियावर एक पेन्टिंग अपलोड केले आहे. ती पेन्टिंग नक्की काय आहे, हे ओळखण्याची जबाबदारी मात्र त्याने त्याच्या चाहत्यांवर सोडली आहे. त्याच्या या पेन्टिंगला भरभरून कमेंटदेखील मिळताना दिसत आहेत. सुयशचे चाहतेदेखील एक से एक गंमतीशीर कमेंट करताना दिसत आहेत. पण अद्याप त्याचे उत्तर मिळाले नसल्याचे दिसत आहेत. त्याच्या या पेन्टिंगविषयी लोकमत सीएनएक्सला सुयश सांगतो, ‘मला नेहमीच काहीतरी नवीन आणि वेगवेगळ्या गोष्टी करायला फार आवडतात. त्यातलीच ही पेन्टिंग एक आहे. ही पेन्टिंग नक्की काय आहे हे ओळखण्यासाठी प्रेक्षकदेखील भरपूर प्रयत्न करताना दिसत आहेत.’ पण, खरं सांगू का हा माझा एक नवीन प्रोजेक्ट आहे. त्यासंबंधीच हे पेन्टिंग आहे. पण, तो प्रोजेक्ट मालिका आहे का चित्रपट आहे हे अद्याप तरी कळाले नाही. मात्र, या पेन्टिंगचा राज लवकरच प्रेक्षकांना कळेल. सुयशने यापूर्वी ‘का रे दुरावा’ या मालिकेतून प्रेक्षकांची मने जिंकली आहेत.