टिकटॉकवरील वाद काही संपायचं नाव घेत नाही आहे. एकीकडे काही जण टिकटॉक बंद करायची मागणी करत आहेत तर काही जण सपोर्ट करताना दिसत आहेत. यादरम्यान फैजल सिद्दीकीचे टिकटॉक अकाउंट सस्पेंड करण्यात आले होते आणि त्यानंतर आता त्याचा भाऊ आमिर सिद्दीकीचेदेखील टिकटॉक अकाउंड सस्पेंड करण्यात आले आहे. आमिर सिद्दीकीचे टिकटॉक अकाउंट सस्पेंड होण्यामागे कास्टिंग डिरेक्टर नूर सिद्दीकी यांची याचिकेचं कारण असल्याचं सांगितलं जात आहे.खरेतर युट्यूब आणि टिकटॉक असे महायुद्ध भारतीय लोकप्रिय युट्यूबर कॅरी मिनाटी आणि टिकटॉक स्टार आमिरी सिद्दीकीमध्ये रंगले होते. त्यामुळेच आमिर सिद्दीकी चर्चेत आला होता. आता त्याचे टिकटॉक अकाउंट सस्पेंड करण्यात आले आहे. त्याचे 3.8 मिलियन म्हणजेच 38 लाख फॉलोव्हर्स आहेत. त्याच्या व्हिडिओंना खूप पसंती मिळत होती आणि तो हे व्हिडिओ त्याच्या इंस्टाग्राम अकाउंटवरही शेअर करायचा. इंस्टाग्रामवर देखील त्याचे पाच लाखांहून जास्त फॉलोव्हर्स आहेत. आमिरने युट्यूब कम्युनिटीच्या विरोधात एक व्हिडिओ बनवला होता ज्यामुळे तो चर्चेत आला होता.
Tiktok Controversy: फैजलनंतर आता आमिर सिद्दीकीचंही 38 लाख फॉलोव्हर्स असलेलं TikTok अकाऊंट सस्पेंड
By ऑनलाइन लोकमत | Published: May 25, 2020 7:47 PM