नुकताच टायगर श्रॉफ ‘स्टुडंट आॅफ द इअर’मध्ये दिसला. सध्या टायगर काय करतोय? असा तुमचा प्रश्न असेल तर मॉर्निंग जॉगिंग करतोय, असेच उत्तर आम्ही देऊ. आश्चर्य वाटले ना, पण हे खरे आहे. सध्या टायगरचा एक व्हिडीओ वेगाने व्हायरल होतोय. या व्हिडीओतील टायगरचा अंदाज पाहिल्यानंतर तुम्हालाही हे पटेल.या व्हिडीओत टायगर पोर्तुगालमध्ये मॉर्निंग जॉगिंग करताना दिसतोय. मॉर्निंग जॉग्स इन पोर्तुगाल, असे टायगरने हा व्हिडीओ शेअर करताना लिहिले आहे. व्हिडीओत कधी टायगर पळतोय, कधी भिंतीवरून उडी मारतोय, कधी खुल्या हवेत चित्तथरारक कसरती करतोय. म्हणायला हा व्हिडीओ फक्त ३० सेकंदाचा आहे. पण हा व्हिडीओ ज्याने पाहिला तो थक्क झाला. तूर्तास या व्हिडीओवर चाहत्यांच्या कमेंटचा पाऊस पडतोय.
‘बागी 3’ हा ‘बागी’ फे्रन्चाइजीचा तिसरा सिनेमा आहे. यापूर्वी आलेल्या दोन्ही पार्टमध्ये टायगर लीड रोलमध्ये होता. तिसºया पार्टमध्येही त्याची वर्णी लागली आहे. ‘बागी 3’मध्येही टायगरचा अ‍ॅक्शन अवतार पाहायला मिळणार आहे. याशिवाय हृतिक रोशनसोबतच्या एका चित्रपटातही टायगर दिसणार आहे. या चित्रपटाचे नाव अद्याप ठरलेले नाही.