‘द गर्ल ऑन द ट्रेन’सिनेमात सीक्रेट एजंटची भूमिका साकारणार परिणीती चोप्रा, या महिन्यात सुरु होणार शूटिंग

पहिल्यांदाच परिणीती अशा प्रकारची भूमिका साकारताना दिसणार आहे.

बॉलिवूड अभिनेत्री परिणीती चोप्रा दिग्दर्शक रिभू दास गुप्ता यांचा आगामी सिनेमा ‘द गर्ल ऑन द ट्रेन’मध्ये एक अंडरकव्हर एजंटच्या भूमिकेत दिसणार आहे.  सिनेमाची कथा भारतीय एजंटांना वाचविण्याच्या मोहिमेवर असलेल्या परिणीतीच्या व्यक्तिरेखेभोवती फिरणार आहे.

चित्रपटाच्या टीमशी संबंधित एका सूत्रांनी सांगितले की, "सिनेमाची कथा भारत-पाकिस्तानच्या पार्श्वभूमीवर आधारित आहे. यात परिणिती एजंटची मुख्य भूमिका साकारणार आहे.  या सिनेमात रजित कपूर, केके मेनन, दिव्येंदु भट्टाचार्य आणि हार्डी संधूही दिसणार आहेत.

मार्चमध्ये सुरु होणार शूटिंगमार्चपासून सुरु होणार सिनेमाचे शटिंग. रिलायन्स एंटरटेनमेंटद्वारे याची निर्मिती केली जाईल. सिनेमाचे निर्माते लोकेशन शोधत आहेत आणि शूटिंगसाठी परवानगी घेत आहेत. परिणीती चोप्रा आणि रिभू दासगुप्ताने आधी तीन सिनेमात एकत्र काम केले होते आणि आता दोघेही  2016मध्ये आलेल्या हॉलिवूडचा ब्लॉकबस्टर 'द गर्ल ऑन द ट्रेन' च्या हिंदी रिमेकची तयारी करत आहेत.

याशिवाय परिणीती भारतीय बॅडमिंटनपटू सायना नेहवालच्या बायोपिकमध्ये दिसणरा आहे. यात परिणीती सायना नेहवालची भूमिका साकारताना दिसणार आहे. एका मुलाखतीत दरम्यान परिणीतीने सांगितले होते की, ही भूमिका खरंच खूप आव्हानात्मक आहे असं मी मानते. कारण चॅम्पियन बनणं ही काही सहज सोपी गोष्ट नाही. त्यासाठी कठोर तपश्चर्या म्हणजेच कठोर मेहनत लागते. कारण स्पोर्ट्सपर्सन बालपणापासून त्यावर मेहनत घेतात.