Video: फराह खानने सलमान आणि बाबा रामदेव यांची केली तुलना, दिलीपला आवरलं नाही हसू

बॉलिवूडची प्रसिद्ध कोरिओग्राफर आणि चित्रपट निर्माती फराह खानने अलीकडेच बाबा रामदेव यांच्या हरिद्वार येथील आश्रमात भेट दिली. यावेळी फराहने तिच्या यूट्यूब चॅनलसाठी एक व्लॉग शूट केला. या व्लॉगमध्ये फराहने बाबा रामदेव यांच्या जीवनशैलीची तुलना बॉलीवूड अभिनेता सलमान खानसोबत केली. त्यामुळे सर्वांना आश्चर्य वाटलं. काय म्हणाली फराह? जाणून घ्याव्लॉगमध्ये बाबा रामदेव फराहला त्यांच्या आश्रमाचा भव्य परिसर दाखवतात. तेव्हा ते म्हणतात, “आम्ही लोकांच्या राहण्यासाठी राजवाडा बनवला आहे पण आम्ही स्वतः एका झोपडीत राहतो.” यावर फराह खानने मिश्किलपणे उत्तर दिले, “तुम्ही आणि सलमान खान एकसारखेच आहात. तो सुद्धा एका लहानशा १BHK घरात राहतो आणि इतरांसाठी भव्य इमारती बनवतो.” फराहच्या या विनोदी प्रतिक्रियेवर बाबा रामदेव दिलखुलास हसले आणि त्यांनी सहमती दर्शवली.या व्लॉगमध्ये बाबा रामदेव यांचा साधेपणा आणि मिश्किल स्वभाव सर्वांना दिसून आला. आजवर न पाहिलेले बाबा रामदेव सर्वांना बघायला मिळाले. फराहने बाबा रामदेव यांच्या उत्साहाची प्रशंसा केली. बाबा रामदेव यांनी बॉलिवूडमध्ये प्रवेश करावं, असंही फराहने गंमतीत सुचवलं. फराह खानच्या व्लॉगमध्ये बाबा रामदेव यांनी त्यांच्या 'तपस्वी झोपडी'बद्दलही सांगितले, जी जोधपूरच्या दगडांनी बनलेली आहे. त्यांनी फराहला त्यांचा खास कमंडलू दाखवला, ज्याची किंमत सुमारे १ लाख रुपये आहे.फराहने बाबा रामदेव यांच्या आश्रमात बनवलेला 'एटीएम' (एलोवेरा, हळद आणि मेथी) नावाचा खास सात्विक पदार्थही खाऊन पाहिला. फराहला तो पदार्थ थोडा वाटला. तेव्हा बाबा रामदेव म्हणाले की, हा पदार्थ खाऊन तुम्ही १०० वर्षापर्यंत सुंदर दिसाल. यावर फराह हसली आणि ती रोज हा पदार्थ खाईल असं म्हणाली. अशाप्रकारे बाबा रामदेव आणि फराह खानचा हा नवीन व्लॉग चांगलाच चर्चेत आहे.

प्रिया-उमेशच्या 'बिन लग्नाची गोष्ट'

बिग बॉस १९

दिलीप प्रभावळकरांचा 'दशावतार'

'बागी ४' चर्चेत

फिल्मी : ‘हरयाणाच्या शेरणी’ चा ‘धोबी पछाड’!

फिल्मी : फ्रिडा म्हणते,‘मी नेहमी प्रेमातच!’

फिल्मी : नटखट आलिया...

फिल्मी : लहान मुलीला पीसीने दिल्या फॅशन टिप्स!

फिल्मी : रणवीरचा फनी डबस्मॅश!

फिल्मी : जुने मित्र पुन्हा भेटले!

फिल्मी : यामी-पुल्कित पुन्हा येणार एकत्र?

फिल्मी : इमरान हाश्मीला मातृशोक

फिल्मी : ओळखा पाहू???

फिल्मी : रविनाचे पंतप्रधानांना पत्र