बॉलिवूडमध्ये आपल्या अभिनयाच्या जोरावर आपली छाप उमटविणारा अभिनेता नवाजुद्दीन सिद्दीकी उत्तर प्रदेशमधील एका छोट्याशा गावातील आहे. त्याचे म्हणणे आहे गावात जाती व्यवस्था आजही कायम आहेत. चित्रपटात नाव आणि आदर मिळवल्यानंतरही त्याच्यासोबत भेदभाव झाला आहे. त्याने हाथरसमधील घटना खूप खेदजनक असल्याचे म्हटले आहे.
नवाजुद्दीन सिद्दीकी म्हणाला की, माझी आजी खालच्या जातीची होती, तर माझे संपूर्ण कुटुंब शेख होते. यामुळे गावातील लोक अजूनही माझ्या कुटूंबाकडे चांगल्या नजरेने पाहत नाहीत.' यावेळी नवाजने शहरी भागातील जातीय संस्कृती आणि ग्रामीण भागातील जातीय संस्कृती याबाबत भाष्य केले. तो असे म्हणाला की शहरी भागात जरी काही प्रमाणात जातीव्यवस्था गौण असली तरी ग्रामीण भागात त्याचा पगडा अजूनही पहायला मिळतो. एकाच समुदायामध्ये छोट्या-मोठ्या जातींमध्ये भेदभाव केला जातो.
नवाजुद्दीन सिद्दीकीने हाथरस बलात्कार प्रकरण दुर्भाग्यपूर्ण म्हटले आहे आणि म्हटले की लोकांनी या विरोधात आवाज उठविला पाहिजे.