‘रोमान्सचा बादशहा’ शाहरूख खान आणि अभिनेत्री काजोल यांचा ‘दिलवाले दुल्हनियां ले जाएेंगे’ हा आयकॉनिक सिनेमा कोण बरे विसरू शकेल. बॉलिवूडमधला मैलाचा दगड ठरलेल्या या चित्रपटाचा शेवटही तितकाच यादगार आहे. चित्रपटाच्या क्लायमॅक्सच्या दृश्यात अमरीश पुरी ‘जा सिमरन जा... जी ले अपनी जिंदगी’ म्हणत सिमरनला आपल्या प्रियकरासोबत जाण्याची परवानगी देतात आणि सिमरन धावत्या ट्रेनसोबत राज अर्थात शाहरूखच्या दिशेने धावत सुटते. राज तिला हात देतो आणि सिमरन व राज एकत्र येतात. हा सीनही प्रचंड गाजला. हा सीन आठवण्याचे कारण म्हणजे अलीकडे सिमरनची भूमिका साकारणाऱ्या काजोलने दिलवाले ‘दुल्हनियां ले जाएेंगे’बद्दलच्या काही आठवणींना उजाळा दिला. विशेषत: या क्लायमॅक्स सीनचे शूटींग कसे झाले होते, ते तिने सांगितले.
काजोलचा ‘हेलिकॉप्टर ईला’ हा चित्रपट लवकरचं प्रदर्शित होतोय. सध्या काजोल याच चित्रपटाच्या प्रमोशनमध्ये व्यस्त आहे.