राजस्थानच्या उदयपूर येथे मुकेश अंबानी यांची मुलगी ईशा अंबानी हिच्या लग्नाचे धम्माल सेलिब्रेशन सुरू आहे. बॉलिवूड सेलिब्रिटींच्या हजेरीने कालची रात्र आणखीच रंगली. अनेक बॉलिवूड सेलिब्रिटींनी यादरम्यान धम्माल परफॉर्मन्स दिलेत. अगदी शाहरूख खान व गौरीपासून तर ऐश्वर्या राय बच्चन व अभिषेक बच्चन अशा सगळ्यांनी या रात्रीत आणखी रंग भरले.
ईशा अंबानी आपला मित्र आनंद पिरामलसोबत येत्या 12 डिसेंबर रोजी आपली लग्नगाठ बांधणार आहे. आनंद आणि ईशा जुने मित्र आहेत. आनंदने महाबळेश्वरच्या मंदिरात ईशासमोर लग्नाचा प्रस्ताव ठेवला होता. आनंदने हार्वर्ड बिझनेस स्कूलमधून बिझनेस अ‍ॅडमिनिस्ट्रेशनमध्ये पदव्युत्तर पदवी मिळवली असून सध्या तो पिरामल इंटरप्रायजेसचा कार्यकारी संचालक आहे. त्याने पेन्सिलवेनिया विद्यापीठातून अर्थशास्त्रात पदवी मिळवली आहे. हार्वर्डमधून शिक्षण पूर्ण केल्यानंतर त्याने दोन स्टार्टअप सुरू केले.