बॉलिवूड जगतात बरेच असे सेलिब्रेटी आहेत ज्यांनी शाकाहारी बनण्याचा निर्णय घेतला आहे. यातील काही सेलिब्रेटींनी विगन बनून जीवन जगण्याचा निर्णय घेतला आहे. आता या यादीत आणखीन एका अभिनेत्रींच्या नावाचा समावेश झाला आहे. ही अभिनेत्री म्हणजे भूमी पेडणेकर.
आपल्या अभिनय कौशल्याने अल्पावधीत भूमी पेडणेकरने बॉलिवूडमध्ये आपले स्थान निर्माण केले आहे. भूमी पर्यावरण प्रेमी असून ती जलवायू परिवर्तन आणि पर्यावरणाबद्दल लोकांमध्ये जनजागृती करण्याचे काम करते आहे. त्यामुळे तिला शाकाहारी बनणे जास्त उचित वाटले.हा निर्णय घेण्याचं श्रेय ती तिच्या हवामानासंदर्भातील जागरुकतेला देते.
ती पुढे म्हणाली की 'मला मांसाहारी पदार्थ हवेच, असे नाही. पण, मांसाहार सोडण्याचा निर्णय मी लॉकडाउनमध्ये घेतला. खरेतर हे अगदी सहज घडले आहे. आता या गोष्टीला सहा महिने उलटले आहेत आणि मला छान वाटते आहे. माझ्यामध्ये कोणतीही अपराधीपणाची भावना नाही. शारीरिकदृष्ट्याही मी अगदी फिट आहे.'