चित्रपट व टेलिव्हिजन इंडस्ट्रीत आपल्या अभिनय कौशल्यानं रसिकांच्या मनात स्थान निर्माण करणारा अभिनेता शरद केळकर लवकरच 'हाऊसफुल ४' चित्रपटात झळकणार आहे. या चित्रपटाचा ट्रेलर नुकताच प्रदर्शित झाला असून या ट्रेलरला प्रेक्षकांचा खूप चांगला प्रतिसाद मिळतो आहे. हा सिनेमा २६ ऑक्टोबरला रसिकांच्या भेटीला येणार आहे.
टाईम्स ऑफ इंडिया वेबसाईटच्या रिपोर्टनुसार शरद केळकरने मुलाखतीत त्याच्या खासगी जीवनातील गोष्टींबद्दल सांगितलं. शरद नुकताच दिल्लीत होता त्यावेळी त्याने ज्या काही गोष्टी सांगितल्या त्या ऐकून तुम्ही हैराण व्हाल.
शरद म्हणाला की, तो दिल्लीच्या चोर बाजारातून सामान विकत घेत होता. ते ठिकाणी ब्रॅण्डेड शूज व स्वस्त कपड्यांसाठी ओळखलं जातं. कॉलेजमध्ये असताना तिथून सामान विकत घेत असल्याचं सांगितलं.
याशिवाय त्याने चित्रपटातही आपले नशीब आजमावले आहे. 'हलचल', 'हीरो',मोहन्जोंदारो', 'गेस्ट इन लंदन', 'बादशाहो' या चित्रपटात त्याने काम केले आहे.