सेम टू सेम

सुलतान या चित्रपटात एका कुस्तीपटूची कथा प्रेक्षकांना पाहायला मिळाली होती. ‘बढो बहू’ या मालिकेतही प्रिन्स नरूला एका कुस्तीपटूचीच भूमिका साकारत आहे. त्यामुळे ही मालिका पाहाताना प्रेक्षकांना सुल्तान या चित्रपटाची नक्कीच आठवण येणार आहे. पण ही मालिका पाहाताना ‘सुल्तान’ची आठवण येण्याचे आणखी एक कारण आहे. सुल्तान या चित्रपटात झळकलेला सुमित सामनानी एका मुख्य भूमिकेत प्रेक्षकांना मालिकेत दिसणार आहे. या मालिकेत तो अतिशय लठ्ठ आणि गर्विष्ठ अशा मुलाची भूमिका साकारणार आहे. तो लठ्ठ असला तरी त्याची पत्नी अतिशय सुंदर असावी अशी त्याची इच्छा आहे.