Share Market Today : भारतीय शेअर बाजार आज सलग दुसऱ्या दिवशी घसरणीसह बंद झाले. आज (गुरुवारी) शेअर बाजाराने ग्रीन झोनमध्ये वाढीसह सुरुवात केली होती. पण, बंद होईपर्यंत वाढ कायम राखण्यास अपयश आलं. एका बाजूला फार्मा, ऑटो, तेल आणि वायू कंपन्यांचे शेअर्स वधारले, तर दुसरीकडे धातू, रिअल इस्टेट आणि बँकिंग क्षेत्रातील कंपन्यांना फटका बसला.
आज बाजारात काय घडले?सत्राची सुरुवात चांगली झाली असली तरी, कोटक महिंद्रा बँक आणि बजाज फायनान्ससारख्या मोठ्या बँकिंग कंपन्यांच्या शेअर्समधील घसरणीमुळे बाजारावर दबाव आला.
- दिवसभरच्या व्यवहारानंतर, सेन्सेक्स १७० अंकांनी घसरून ८३,२३९ वर बंद झाला.
- निफ्टी ४८ अंकांनी घसरून २५,४०६ वर बंद झाला.
- निफ्टी बँक देखील २०७ अंकांनी घसरून ५६,७९२ वर बंद झाला.
- मिडकॅप कंपन्यांच्या निर्देशांकात मात्र किरकोळ १६ अंकांची वाढ दिसली आणि तो ५९,६८३ वर बंद झाला.
आज कोणत्या शेअर्समध्ये तेजी होती?जून महिन्यातील वाहनांच्या विक्रीचे आकडे चांगले आल्यामुळे ऑटो कंपन्यांच्या शेअर्समध्ये (उदा. हिरो मोटोकॉर्प आणि मारुती सुझुकी) चांगली वाढ दिसून आली.ब्लू स्टार या एसी बनवणाऱ्या कंपनीच्या शेअर्समध्ये ५% वाढ झाली, कारण कंपनीबद्दल सकारात्मक बातम्या आल्या होत्या.कच्च्या तेलाच्या किमती वाढल्याने ओएनजीसी (ONGC) आणि ऑइल इंडिया या तेल कंपन्यांचे शेअर्स सुमारे ६% नी वधारले.बॉश (Bosch) या ऑटो कंपोनंट कंपनीचे शेअर्स ६% वाढीसह बंद झाले.एचडीबी फायनान्शियलच्या शेअर्समध्ये लिस्टिंगच्या दुसऱ्या दिवशी सुमारे ३% वाढ दिसली.
कोणत्या शेअर्समध्ये घट झाली?
- २% इक्विटीच्या मोठ्या व्यवहारामुळे Nykaa ४% ने घसरला.
- पीएनबी (PNB) ३% नी घसरला, तर इंडियन बँक देखील उच्च स्तरावरून खाली आली.
- एसबीआय लाईफसारख्या विमा कंपन्यांच्या शेअर्सवर दबाव दिसून आला.
- महागड्या कच्च्या तेलामुळे इंडिगो (Indigo) या विमान कंपनीचा शेअर सुमारे ३% नी घसरला.
- वेदांताच्या डिमर्जर प्रक्रियेतील विलंबामुळे शेअर २% नी घसरला.
बाजारातील घसरणीची ३ प्रमुख कारणे
- रुपयाची कमजोरी: गुरुवारी भारतीय रुपया अमेरिकन डॉलरच्या तुलनेत ८ पैशांनी कमकुवत होऊन ८५.७० वर बंद झाला. जागतिक बाजारातील जोखीम आणि परदेशी गुंतवणूकदारांकडून पैसे काढून घेतल्यामुळे रुपयावर दबाव आला.
- परदेशी गुंतवणूकदारांकडून विक्री (FII Selling): परदेशी संस्थात्मक गुंतवणूकदार (FII) भारतीय शेअर बाजारात सतत विक्री करत आहेत. बुधवारी त्यांनी १,५६१.६२ कोटी रुपयांचे शेअर्स विकले. यामुळे बाजारात नकारात्मक वातावरण तयार झाले आहे.
- भारत-अमेरिका व्यापार करार: भारत आणि अमेरिका यांच्यात सुरू असलेल्या व्यापार कराराच्या चर्चेतून अजूनही कोणतीही स्पष्टता आलेली नाही. यामुळे गुंतवणूकदारांमध्ये चिंता वाढली आहे, ज्यामुळे बाजारावर दबाव येत आहे.