बाजारात सलग दुसऱ्या दिवशी 'तडाखा'! गुंतवणूकदारांचे १.०६ लाख कोटी पाण्यात, 'या' क्षेत्राला मोठा धक्का

Share Market Today: २६ डिसेंबर रोजी भारतीय शेअर बाजार सलग दुसऱ्या दिवशी घसरणीसह बंद झाले. सेन्सेक्स ३६७.२५ अंकांनी घसरून ८५,०४१.४५ वर बंद झाला. तर निफ्टी ९९.८० अंकांनी घसरून २६,०४२.३० वर बंद झाला.

Share Market : भारतीय शेअर बाजारात आज, २६ डिसेंबर रोजी सलग दुसऱ्या सत्रात घसरण पाहायला मिळाली. परदेशी गुंतवणूकदारांकडून होणारी सातत्यपूर्ण विक्री, रुपयाचे घसरते मूल्य आणि कच्च्या तेलाच्या किमतीत झालेली वाढ यामुळे गुंतवणूकदारांमध्ये चिंतेचे वातावरण निर्माण झाले आहे. या पडझडीमुळे आज एकाच दिवसात बीएसईमध्ये नोंदणीकृत कंपन्यांच्या बाजार भांडवलातून सुमारे १.०६ लाख कोटी रुपये कमी झाले.

बाजार निर्देशांकांची स्थितीव्यवहाराच्या शेवटी, मुंबई शेअर बाजाराचा सेन्सेक्स ३६७.२५ अंकांनी (०.४३%) कोसळून ८५,०४१.४५ च्या पातळीवर बंद झाला. राष्ट्रीय शेअर बाजाराचा निफ्टी देखील ९९.८० अंकांनी (०.३८%) घसरून २६,०४२.३० वर स्थिरावला.

गुंतवणूकदारांचे मोठे नुकसानबाजारातील या पडझडीचा थेट फटका गुंतवणूकदारांच्या मालमत्तेला बसला आहे. बीएसईमध्ये सूचीबद्ध कंपन्यांचे एकूण बाजार भांडवल ४७५.०० लाख कोटी रुपयांवरून घसरून ४७३.९४ लाख कोटी रुपयांवर आले. म्हणजेच गुंतवणूकदारांच्या संपत्तीत सुमारे १.०६ लाख कोटी रुपयांची घट झाली.

क्षेत्रीय हालचालीमेटल आणि कमोडिटी क्षेत्राचा अपवाद वगळता जवळपास सर्वच क्षेत्रीय निर्देशांक लाल निशाण्यावर बंद झाले.सर्वात जास्त घसरण : आयटी, टेलिकॉम आणि ऑटो शेअर्समध्ये मोठी विक्री दिसून आली.दबावाखालील क्षेत्रे : बँकिंग, कॅपिटल गुड्स आणि फार्मा शेअर्सवरही दबावाचे सावट होते.तेजी : घसरणीच्या वातावरणातही डिफेन्स आणि रेल्वे क्षेत्रातील शेअर्समध्ये मात्र खरेदीचा उत्साह दिसून आला.

आजचे 'टॉप गेनर्स'

टॉप गेनर्स (तेजी)	वाढ (%)
टायटन	+२.१३%
NTPC	+०.४५%
ॲक्सिस बँक	+०.३८%
अल्ट्राटेक सिमेंट	+०.२५%
HUL	+०.१२%

'टॉप लूझर्स'

टॉप लूझर्स (घसरण)	घसरण (%)
बजाज फायनान्स	-१.४८%
एशियन पेंट्स	-१.४१%
HCL टेक	-१.२९%
TCS	-१.२१%
इटर्नल	-१.१२%

वाचा - नोकरदारांना दिलासा! पेन्शन रेकॉर्डमधील चुका आता होणार दुरुस्त; EPFO कडून नवीन नियमावली

बाजारातील व्यवहारांची व्याप्तीआज बीएसईवर एकूण ४,३७९ शेअर्समध्ये व्यवहार झाले. यामध्ये वाढ होणाऱ्या शेअर्सपेक्षा घसरण होणाऱ्या शेअर्सची संख्या मोठी होती. घसरण झालेले शेअर्स २,४५५ होते. तर १,७४५ स्टॉक्समध्ये वाढ झाली.