Multibagger PSU Stocks: तुम्ही शेअर बाजारातगुंतवणूक करत असाल, तर ही बातमी तुमच्यासाठी फायद्याची आहे. काही सरकारी कंपन्यांच्या शेअर्सनी गेल्या काही काळात चांगला परतावा दिला आहे. अशा सरकारी शेअर्सना पीएसयू शेअर्स म्हणतात. बीएसईचा पीएसयू निर्देशांक खूप वेगाने वाढला आहे. फक्त एका वर्षात हा निर्देशांक जवळजवळ 100% वाढला आहे.
याचे कारण म्हणजे, काही पीएसयू कंपन्यांच्या शेअर्सच्या किमतींमध्ये झपाट्याने होणारी वाढ. एका अहवालानुसार, तीन पीएसयू कंपन्यांच्या शेअर्सनी दोन वर्षांत मोठा नफा दिला आहे. जर तुम्ही या कंपन्यांमध्ये 1 लाख रुपये गुंतवले असते, तर आज ते वाढून सुमारे 10 लाख रुपये झाले असते.
माझगाव डॉक शिपबिल्डर्सया कंपन्यांपैकी माझगाव डॉक शिपबिल्डर्सच्या शेअर्समध्ये सर्वाधिक वाढ झाली आहे. जून 2024 पर्यंत या शेअरची किंमत फक्त 234.85 रुपयांवरुन 3,968.25 रुपयांपर्यंत वाढली आहे. म्हणजेच, यात 1,590% वाढ झाली आहे. यानंतर, कोचीन शिपयार्ड आणि रेल विकास निगम लिमिटेड (RVNL) ने देखील 1,000% पेक्षा जास्त परतावा दिला.
अनेक पीएसयू कंपन्यांना फायदा झालासरकारी प्रयत्नांमुळे सार्वजनिक क्षेत्रातील शेअर्स दमदार पुनरागमन करत आहेत. या प्रयत्नांमध्ये चांगल्या पायाभूत सुविधा, अधिक सरकारी खर्च आणि सुशासनाचा समावेश आहे. अनेक सार्वजनिक उपक्रम कंपन्यांना याचा फायदा झाला आहे. यांच्या शेअर्सच्या किमती 500% वरुन 950% पर्यंत वाढल्या आहेत. उदा- फर्टिलायझर्स अँड केमिकल्स त्रावणकोर, इंडियन रेल्वे फायनान्स कॉर्पोरेशन, हाऊसिंग अँड अर्बन डेव्हलपमेंट कॉर्पोरेशन सारख्या कंपन्यांचे शेअर्स लक्षणीयरीत्या वाढले आहेत.
मोतीलाल ओसवाल फायनान्शियल सर्व्हिसेसचा विश्वास आहे की, येत्या काळात सरकारी कंपन्यांचा (पीएसयू) नफा आणखी वाढेल. त्यांचा असा दावा आहे की, मजबूत ऑर्डर बुक आणि कच्च्या मालाच्या उच्च किमती यांसारख्या घटकांमुळे यात वाढ होईल. तसेच, सरकार भारतात वस्तूंचे उत्पादन आणि संरक्षण क्षेत्रात स्वदेशीकरणावर भर देत आहे, ज्यामुळे औद्योगिक सार्वजनिक उपक्रम कंपन्यांना फायदा होईल आणि त्यांचे उत्पन्न आणि बाजार मूल्य आणखी वाढेल.
(टीप- शेअर बाजारातगुंतवणूक करण्यापूर्वी तज्ञांचा सल्ला घ्या.)