PhysicsWallah IPO: पुढच्या महिन्यात येतोय फिजिक्सवालाचा आयपीओ, ₹३८२० कोटी उभारणार, काय आहेत अधिक डिटेल्स?

PhysicsWallah IPO: अलख पांडे (Alakh Pandey) यांच्यामुळे लाखो मुलांच्या स्वप्नांना पंख मिळत आहेत. 'फिजिक्सवाला'चा प्रवास यूट्यूबवर मोफत क्लासेसनं सुरू झाला होता, आता शेअर बाजारात प्रवेश करत आहे. आता अलख पांडे फिजिक्सवाला प्लॅटफॉर्मचा आयपीओ (IPO) आणणार आहेत. मीडिया रिपोर्ट्सनुसार, हा आयपीओ पुढील काही आठवड्यांतच लॉन्च होण्याची शक्यता आहे. कंपनी सुमारे ३८२० कोटी रुपये उभे करण्याचा प्रयत्न करत आहे.

फिजिक्सवालानं संभाव्य गुंतवणूकदारांसोबत बैठका घेतल्या आहेत. ही एक युनिकॉर्न (Unicorn) कंपनी आहे, म्हणजेच तिचं मूल्यांकन १ अब्ज डॉलरपेक्षा जास्त आहे. आयपीओमध्ये ३१०० कोटी रुपयांचे नवीन शेअर्स इश्यू होतील, म्हणजे कंपनी नवीन भांडवल उभे करेल.

सोन्या-चांदीच्या दरात मोठी तेजी; एका दिवसात चांदी ₹२,३०० वधारली, Gold चे नवे रेट काय?

 

 

 

 

 

एवढे शेअर्स विकण्याची तयारी

याव्यतिरिक्त, सध्याचे भागधारक ऑफर फॉर सेलद्वारे ७२० कोटी रुपयांचे शेअर्स विकतील. संस्थापक अलख पांडे आणि प्रतीक माहेश्वरी देखील त्यांची काही हिस्सा विकतील. सध्या दोघांकडेही कंपनीत ४०.३५-४०.३५ टक्के हिस्सा आहे. वेस्टब्रिज कॅपिटलकडे ६.४१ टक्के आणि हॉर्नबिल कॅपिटलकडे ४.४२ टक्के हिस्सा आहे.

मार्च २०२५ मध्ये कंपनीने गोपनीय मार्गानं आयपीओचा ड्राफ्ट जमा केला होता, जुलैमध्ये सेबीनं मंजुरी दिली आणि सप्टेंबरमध्ये अपडेटेड ड्राफ्ट रेड हेरिंग प्रॉस्पेक्टस सबमिट केला.

निधी कुठे वापरला जाईल?

आयपीओमधून मिळालेल्या निधीपैकी ७१० कोटी रुपये मार्केटिंगवर खर्च केले जातील. ५४८ कोटी रुपये सध्याच्या ऑफलाइन आणि हायब्रीड सेंटर्सच्या लीज पेमेंटमध्ये जातील. ४६० कोटी रुपये नवीन सेंटर्स उघडण्यासाठी भांडवली खर्चावर आणि ४७१ कोटी रुपये जाईलम लर्निंग प्रायव्हेट लिमिटेड या सहायक कंपनीमध्ये गुंतवणुकीसाठी वापरले जातील. कंपनी ५ अब्ज डॉलरच्या मूल्यांकनाचे लक्ष्य ठेवत आहे.

सप्टेंबर २०२४ मध्ये २.८ अब्ज डॉलरच्या मूल्यांकनावर २१ कोटी डॉलर उभे केले होते. वित्त वर्ष २०२५ मध्ये ४४.६ लाख पेड युजर्स होते, जे २०२३ ते २०२५ दरम्यान ५९ टक्के च्या चक्रवाढ वार्षिक वृद्धी दरानं (CAGR) वाढले. परंतु आर्थिक बाबींमध्ये आव्हानं देखील आहेत. वित्त वर्ष २०२४ मध्ये १९४० कोटी रुपयांचा महसूल (Revenue) होता पण सुमारे ११३० कोटी रुपयांचे नुकसान होता. तरीही वाढ प्रभावी आहे, स्टुटंड कम्युनिटी ९८.८ मिलियन सबस्क्रायबर्सची होती. भारतीय शेअर बाजारात लिस्ट होणारा पहिला एडटेक (EdTech) स्टार्टअप फिजिक्सवाला असेल.

(टीप - यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)