Penny stock: नंदन डेनिम्स लिमिटेडचे शेअर्स सोमवारी व्यवहारादरम्यान फोकसमध्ये राहिले. कंपनीने मार्च 2025 मध्ये मजबूत महसूल वाढ नोंदवल्यामुळे इंट्रा-डे ट्रेडिंगमध्ये शेअर्स 4 टक्क्यांहून अधिक वाढले. त्यामुळे या शेअरमध्ये गुंतवणूकदारांचा रस आणखी वाढला आहे. दुपारी 1 वाजण्याच्या सुमारास कंपनीचा शेअर आज बीएसई वर 1.74% वाढीसह 4.09 रुपयांवर व्यवहार करत आहे.
नंदन डेनिम स्टॉक कामगिरीसोमवारच्या व्यवहारादरम्यान हा पेनी स्टॉक 4.2 टक्क्यांनी वाढला आणि दिवसाच्या उच्चांक 4.19 रुपयांवर पोहोचला. पण, तेजी असूनही, तो सप्टेंबर 2024 मध्ये झालेल्या 7.33 रुपयांच्या 52 आठवड्यांच्या उच्चांकापेक्षा 43 टक्के कमी आहे. मार्च 2025 मध्ये या शेअरने 2.96 रुपयांचा 52 आठवड्यांचा नीचांक देखील गाठला होता. विशेष म्हणजे, मे 2020 मध्ये या शेअरची किंमत फक्त 50 पैसे होती. गेल्या एका वर्षात, या शेअरने 5 टक्के, दोन वर्षांत 92 टक्के अन् पाच वर्षांत मल्टीबॅगर 755 टक्क्यांपर्यंत परतावा दिला आहे.
कंपनीचे महसूल वाढलेमार्च 2025 च्या तिमाहीत विक्री 81 टक्क्यांनी वाढली, तर महसूल 1,048.65 कोटी रुपयांवर पोहोचला, जो गेल्या वर्षीच्या याच तिमाहीत 579.12 कोटी रुपयांचा होता. ही मजबूत वाढ कंपनीच्या वाढत्या बाजारपेठेतील उपस्थिती आणि भारत आणि आंतरराष्ट्रीय स्तरावर तिच्या डेनिम उत्पादनांची जोरदार मागणी दर्शवते. गेल्या तिमाहीत कंपनीचा निव्वळ नफा 60.79 टक्क्यांनी घसरून 10.63 कोटी रुपयांवर आला आहे, जो गेल्या वर्षी याच कालावधीत 27.11 कोटी रुपयांचा होता.
(टीप- शेअर बाजारातगुंतवणूक करण्यापूर्वी तज्ञांचा सल्ला घ्या.)