Share Market Today : भारतीय शेअर बाजार मंगळवारी ९ सप्टेंबर रोजी दोन महिन्यांच्या उच्चांकावर बंद झाला. माहिती तंत्रज्ञान (IT) क्षेत्रातील शेअर्सची जोरदार खरेदी आणि जागतिक बाजारातून मिळालेल्या सकारात्मक संकेतांमुळे बाजाराचा आत्मविश्वास वाढला. दिवसाच्या अखेरीस, बीएसई सेन्सेक्स ३१४.०२ अंकांच्या (०.३९%) वाढीसह ८१,१०१.३२ वर बंद झाला, तर निफ्टी ९५ अंकांच्या (०.३९%) वाढीसह २४,८६८.६० च्या पातळीवर पोहोचला.
मिडकॅप आणि स्मॉलकॅप शेअर्समध्येही तेजी कायम राहिली. बीएसई मिडकॅप निर्देशांक ०.२०% आणि स्मॉलकॅप निर्देशांक ०.२२% च्या वाढीसह बंद झाला.
क्षेत्रीय निर्देशांकांची कामगिरीक्षेत्रीय निर्देशांकांमध्ये आज निफ्टी आयटी निर्देशांक सर्वाधिक वाढलेला दिसला. इन्फोसिसच्या शेअर बायबॅकच्या बातमीमुळे आयटी शेअर्समध्ये चांगली खरेदी झाली. ऑटो शेअर्समध्येही तेजी कायम राहिली, ज्यात मारुती सुझुकी आणि आयशर मोटर्सच्या शेअर्समध्ये १-१% ची वाढ नोंदवली गेली. कोटक महिंद्रा बँकेच्या शेअर्समधील तेजीमुळे निफ्टी बँक निर्देशांकही २९ अंकांनी वाढून ५४,२१६ वर बंद झाला.
गुंतवणूकदारांनी कमावले १.२३ लाख कोटीआज ९ सप्टेंबर रोजी बीएसईवर सूचीबद्ध कंपन्यांचे एकूण बाजार भांडवल (मार्केट कॅप) वाढून ४५३.९६ लाख कोटी रुपयांवर पोहोचले, जे मागील ट्रेडिंग दिवशी ४५२.७३ लाख कोटी रुपये होते. यामुळे, एका दिवसात गुंतवणूकदारांच्या संपत्तीत सुमारे १.२३ लाख कोटी रुपयांची भर पडली.
सेन्सेक्समधील सर्वाधिक वाढलेले शेअर्सआज सेन्सेक्समधील ३० पैकी २१ शेअर्स तेजीसह बंद झाले. यामध्ये, इन्फोसिसच्या शेअरमध्ये ५% ची सर्वाधिक वाढ झाली. त्यापाठोपाठ अदाणी पोर्ट्स, टेक महिंद्रा, एचसीएल टेक आणि टीसीएस या शेअर्समध्ये १.०८% ते २.६४% पर्यंतची वाढ दिसून आली.
सेन्सेक्समधील सर्वाधिक घसरलेले शेअर्सआज सेन्सेक्समधील ९ शेअर्समध्ये घसरण झाली. यामध्ये ट्रेंटचा शेअर १.६६% च्या घसरणीसह टॉप लूझर्स ठरला. त्याशिवाय, इटरनल, अल्ट्राटेक सिमेंट, एनटीपीसी आणि टाटा मोटर्सच्या शेअर्समध्ये ०.६०% ते १.२०% पर्यंत घट झाली.
वाचा - ५० लाखांचे गृहकर्ज होईल व्याजमुक्त! फक्त ₹५,०५० ची गुंतवणूक वाचवेल लाखो रुपयांचे व्याज
एकूण बाजाराची स्थितीबॉम्बे स्टॉक एक्सचेंज (BSE) वर आज एकूण ४,२८१ शेअर्समध्ये व्यवहार झाला. यातील १,९९५ शेअर्स वाढीसह बंद झाले, तर २,१२५ शेअर्समध्ये घट झाली. तसेच, १४४ शेअर्सनी आपला ५२ आठवड्यांचा नवा उच्चांक गाठला, तर ५८ शेअर्स ५२ आठवड्यांच्या नीचांकी पातळीवर पोहोचले.