गुंतवणूकदारांसाठी मेटल सेक्टर 'हॉट फेव्हरेट'! लोखंड-पोलाद कंपन्यांचे शेअर्स पुन्हा धावणार?

Stock Tips : ब्रोकरेज फर्मनुसार, अक्षय ऊर्जा आणि एआयच्या युगात, धातू कंपन्यांच्या मूल्यांकनांना मूलभूत आधार मिळत आहे. त्यामुळे, धातूचे साठे भविष्यात मजबूत परतावा देऊ शकतात.

Metals Stock Tips : जागतिक बाजारपेठेतील बदलती समीकरणे आणि वाढती मागणी यामुळे भारतीय 'मेटल' क्षेत्राचे नशीब उजळण्याची चिन्हे दिसत आहेत. प्रसिद्ध जागतिक ब्रोकरेज फर्म एचएसबीसीने भारतीय मेटल कंपन्यांबाबत 'बुलिश' (तेजीचा) कल दर्शवला असून, येणाऱ्या काळात या क्षेत्रातील शेअर्समध्ये ३० टक्क्यांपर्यंत वाढ होऊ शकते, असा अंदाज व्यक्त केला आहे.

का वाढणार धातूंच्या किमती?एचएसबीसीच्या अहवालानुसार, २०२६ मध्ये मेटल सेक्टरला प्रामुख्याने दोन मोठ्या गोष्टींचे पाठबळ मिळेल.पुरवठ्याचा तुटवडा : जागतिक स्तरावर अ‍ॅल्युमिनियम आणि झिंकच्या उत्पादनात घट होत असल्याने पुरवठा साखळी विस्कळीत झाली आहे.AI आणि एनर्जी ट्रान्झिशन : आर्टिफिशियल इंटेलिजन्स आणि इलेक्ट्रिक वाहनांच्या निर्मितीमध्ये अ‍ॅल्युमिनियम, तांबे आणि झिंकचा वापर मोठ्या प्रमाणावर वाढत आहे. यामुळे काही धातू आता 'सुपर-सायकल'मध्ये प्रवेश करत असून त्यांच्या किमती दीर्घकाळ उच्च स्तरावर राहतील.

'या' ३ शेअर्सवर ठेवा विशेष लक्ष१. हिंडाल्को इंडस्ट्रीजब्रोकरेजने या शेअरवर 'Buy' रेटिंग कायम ठेवली असून लक्ष्य किंमत १,०६० रुपयांवरून थेट १,२४० रुपये केली आहे. सध्याच्या भावापेक्षा हा शेअर ३०% नफा देऊ शकतो. अ‍ॅल्युमिनियमची जागतिक कमतरता हिंडाल्कोसाठी 'गेम चेंजर' ठरेल.

२. हिंदुस्तान झिंकएचएसबीसीने या शेअरचे रेटिंग 'होल्ड' वरून 'खरेदी'मध्ये अपग्रेड केले आहे. झिंकच्या मजबूत मागणीमुळे याचे टार्गेट ५२० रुपयांवरून ७५० रुपयेपर्यंत वाढवण्यात आले आहे. वाढत्या किमतींमुळे कंपनीच्या मार्जिनमध्ये मोठी सुधारणा अपेक्षित आहे.

३. नाल्कोनॅशनल अ‍ॅल्युमिनियम कंपनीवरही ब्रोकरेजचा विश्वास कायम आहे. नाल्कोसाठी ४२० रुपयांचे नवीन उद्दिष्ट निश्चित करण्यात आले आहे (आधी ₹३७३). कंपनीची मजबूत ताळेबंद आणि अ‍ॅल्युमिनियम बाजारातील अनुकूल परिस्थिती यामुळे गुंतवणूकदारांना १३% हून अधिक परतावा मिळण्याची शक्यता आहे.

वाचा - शेती, युवा आणि टॅक्स... बजेट २०२६ कडून देशाच्या 'मोठ्या' अपेक्षा; पाहा सविस्तर वेळापत्रक

(टीप - यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. शेअर बाजारातील गुंतवणूक जोखमीच्या अधीन असते. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)