Groww IPO Listing: बिलियनब्रेन्स गॅरेज व्हेंचर्स लिमिटेड म्हणजेच ग्रो (Groww) च्या IPO ने लिस्टिंगच्या दिवशी ग्रे मार्केटचे सर्व आकडे खोटे ठरवले. ग्रो चे शेअर्स लिस्टिंगच्या दिवशी म्हणजेच बुधवारच्या सकाळी ग्रे मार्केटमध्ये फक्त ५ टक्के प्रीमियमसह व्यवहार करत होते. परंतु, ग्रो च्या शेअर्सची लिस्टिंग ग्रे मार्केट प्रीमियम (GMP) पेक्षा खूप वर झाली आहे.
बुधवारी ग्रो चे शेअर्स BSE वर १४ टक्के प्रीमियमसह ₹११४ वर लिस्ट झाले. तर, कंपनीचे शेअर्स NSE वर ₹११२ वर लिस्ट झाले. IPO मध्ये कंपनीच्या शेअरचा दर ₹१०० होता.
जपानचे १,००,००० येन भारतामध्ये किती रुपये होतात? तुम्हाला फायदा होतो की नुकसान, जाणून घ्या
लिस्टिंगनंतर शेअर्समध्ये जोरदार वाढ
शेअर बाजारात धमाकेदार लिस्टिंग झाल्यानंतर ग्रो चे शेअर्स BSE वर ८ टक्क्यांहून अधिक वाढीसह ₹१२४ वर पोहोचले. NSE वरही कंपनीचे शेअर्स ₹१२४ च्या उच्चांकावर पोहोचले आहेत. म्हणजेच, ₹१०० च्या इश्यू प्राइसच्या तुलनेत ग्रो चे शेअर्स २४ टक्के फायद्यावर पोहोचले आहेत. ग्रो च्या पब्लिक इश्यूचा एकूण आकार ₹६६३२.३० कोटी रुपयांपर्यंतचा होता. ग्रो चा IPO गुंतवणूक करण्यासाठी ४ नोव्हेंबर २०२५ रोजी उघडला आणि तो ७ नोव्हेंबरपर्यंत खुला होता.
IPO वर १७ पटीहून अधिक बोली
बिलियनब्रेन्स गॅरेज व्हेंचर्स लिमिटेड म्हणजेच ग्रो च्या IPO वर एकूण १७.६० पटीने बोली लागली होती. कंपनीच्या IPO मध्ये सामान्य गुंतवणूकदारांच्या कॅटेगरीत ९.४३ पट सबस्क्रिप्शन मिळालं होतं. तर, IPO मध्ये गैर-संस्थात्मक गुंतवणूकदारांच्या (Non-Institutional Investors) कॅटेगरीत १४.२० पट बोली लागली. ग्रो च्या IPO मध्ये क्वॉलिफाईड इन्स्टिट्यूशनल बायर्स (QIB) कॅटेगरीत २२.०२ पट बोली लागली.
कंपनीच्या IPO मध्ये सामान्य गुंतवणूकदार कमीत कमी १ लॉट आणि जास्तीत जास्त १३ लॉट साठी बोली लावू शकत होते. IPO च्या एका लॉटमध्ये १५० शेअर्स होते. म्हणजेच, सामान्य गुंतवणूकदारांना १ लॉटसाठी ₹१५,००० ची गुंतवणूक करावी लागली होती.
(टीप - यामध्ये केवळ शेअरच्या कामगिरीविषयी माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)
Web Summary : Groww's IPO listing exceeded expectations, opening at a 14% premium on BSE. Shares soared 24% above the ₹100 issue price. The IPO was oversubscribed 17 times, demonstrating strong investor interest. One lot investment was ₹15,000.
Web Summary : ग्रो के आईपीओ लिस्टिंग ने उम्मीदों को पार कर दिया, बीएसई पर 14% प्रीमियम पर खुला। शेयर ₹100 के निर्गम मूल्य से 24% ऊपर चढ़ गया। आईपीओ को 17 गुना अधिक अभिदान मिला, जो मजबूत निवेशक रुचि दर्शाता है। एक लॉट का निवेश ₹15,000 था।