Share Market Updates : सलग दुसऱ्या महिन्यात शेअर बाजारातील अस्थिरता कायम आहे. डिसेंबरच्या दुसऱ्या आठवड्यात देशांतर्गत शेअर बाजारात मंदीची सुरुवात झाली आहे. आज मंगळवारी (१० डिसेंबर) संमिश्र संकेतांनंतर अशीच ओपनिंग दिसून आली. सेन्सेक्स-निफ्टी प्रथम किंचित वाढीसह उघडले, नंतर किंचित घसरणीसह लाल चिन्हात सरकताना दिसले. शेअर बाजारात संमिश्र व्यवहार दिसून आला. सेन्सेक्स ६७ अंकांनी वाढून ८१,५७५ वर उघडला. निफ्टी १९ अंकांनी वाढून २४,६५२ वर तर बँक निफ्टी ४३ अंकांनी वाढून ५३,४५० वर उघडला.
या शेअर्समध्ये हालचालीआजच्या सत्रात, श्रीराम फायनान्स, बजाज फिनसर्व्ह, विप्रो, एचसीएल टेक आणि इन्फोसिस निफ्टी ५० च्या २३ शेअर्समध्ये राहिले. जे २.४८ टक्क्यांपर्यंत वाढीसह हिरव्या रंगात बंद झाले. मंगळवारी, निफ्टी ५० मधील ५० पैकी २७ शेअर्स लाल रंगात बंद झाले, ज्यात डॉ रेड्डीज लॅब्स, अदानी एंटरप्रायझेस, अदानी पोर्ट्स, भारती एअरटेल आणि एचडीएफसी लाईफ यांचा समावेश आहे, जे १.४० टक्क्यांपर्यंत घसरले. अदानी समूहाच्या इतर शेअर्सबद्दल बोलायचे झाल्यास, अदानी ग्रीन एनर्जी ३.४५ टक्क्यांनी, अदानी पॉवर २ टक्क्यांनी, अदानी टोटल गॅस १.८५ टक्क्यांनी आणि अदानी विल्मार १.४१ टक्क्यांनी घसरून बंद झाले.
या शेअर्समध्ये मोठी हालचालआजच्या व्यवहाराच्या सुरुवातीला सर्वात मोठी घसरण भारती एअरटेल, अदानी पोर्ट्स, टेक महिंद्रा, रिलायन्स इंडस्ट्रीज, ॲक्सिस बँक सेन्सेक्समध्ये दिसून आली, तर बजाज फिनसर्व्ह, इन्फोसिस, एचसीएल टेक्नॉलॉजीज, टाटा स्टील आणि टायटन कंपनीच्या शेअर्समध्ये वाढ झाली. बातम्यांनुसार, बीएसई मिडकॅप आणि स्मॉलकॅप निर्देशांक सपाटपणे व्यवहार करताना दिसले. क्षेत्रीय निर्देशांकांबद्दल बोलायचे झाल्यास, आज ऑटो, ऑइल आणि गॅस, पॉवर, टेलिकॉम, मीडिया ०.५-१ टक्क्यांनी घसरले, तर आयटी आणि रियल्टी ०.५-१ टक्क्यांनी वाढले.
आशियाई बाजारात काय परिस्थिती?जगातील दुसऱ्या क्रमांकाची अर्थव्यवस्था पुनरुज्जीवित करण्यासाठी पुढील वर्षी चीनच्या सर्वोच्च नेत्यांनी अधिक प्रोत्साहन देण्याचे संकेत दिल्यानंतर बहुतेक आशियाई समभागांमध्ये वाढ झाली. चीन आणि हाँगकाँगमधील बेंचमार्क स्टॉक निर्देशांक वाढले. परंतु, नंतर घसरले, तर जपान आणि दक्षिण कोरियामध्येही वाढ झाली. बीजिंग घोषणेमुळे २ महिन्यांत लोहखनिजात सर्वाधिक उसळी पाहायला मिळाली.