Share Market On Gudi Padwa: भारतीय शेअर बाजारात (BSE आणि NSE) ट्रेडिंग करणाऱ्यांसाठी सुट्ट्यांची माहिती असणं अत्यंत महत्त्वाचं असतं. सर्वच सणांना बाजार बंद राहील का, असा प्रश्न गुंतवणूकदारांच्या मनात नेहमी असतो. मार्च २०२६ मध्ये उगादी, गुढीपाडवा, चैत्र नवरात्री आणि ईद-उल-फितर यांसारखे अनेक मोठे सण आहेत. परंतु, महत्त्वाची बातमी अशी आहे की यांपैकी बहुतेक दिवशी शेअर बाजार सुरूच राहणार आहे. या आठवड्यात (१९ ते २१ मार्च २०२६) अनेक सण साजरे केले जातील, परंतु BSE आणि NSE च्या अधिकृत सुट्ट्यांच्या यादीत त्यांचा समावेश नाही. त्यामुळे इक्विटी, डेरिव्हेटिव्ह्स, करन्सी आणि कमोडिटी सेगमेंटमध्ये नेहमीप्रमाणे व्यवहार सुरू राहतील.
दक्षिण भारतात (आंध्र प्रदेश, तेलंगणा, कर्नाटक) नवीन वर्षाचा सण म्हणून साजरा केला जाणारा उगादी गुरुवारी, १९ मार्च २०२६ रोजी आहे. या दिवशी भारतीय शेअर बाजार सुरू राहील. महाराष्ट्रातील नवीन वर्षाचा सण 'गुढीपाडवा' देखील १९ मार्च २०२६ रोजीच साजरा केला जाणार आहे. हा दिवस ट्रेडिंग डे असेल आणि या दिवशी कोणतीही सुट्टी नसेल.
ईद निमित्त शेअर बाजार बंद असेल का?
ईद-उल-फितर २०२६ मध्ये २१ मार्च (शनिवार) रोजी येत आहे. शेअर बाजार शनिवार आणि रविवारी आधीच बंद असतो, त्यामुळे या सणामुळे कोणतीही अतिरिक्त सुट्टी नाही. शनिवार-रविवार असल्याने या दिवशी ट्रेडिंग होणार नाही.
BSE आणि NSE च्या २०२६ च्या सुट्ट्यांच्या यादीनुसार, मार्च महिन्यात फक्त ३ मार्च २०२६ (मंगळवार) रोजी होळीनंतर २६ मार्च २०२६ (गुरुवार) रोजी रामनवमी आणि ३१ मार्च २०२६ रोजी महावीर जयंती निमित्त सुट्टी असेल. १९ ते २१ मार्च दरम्यान कोणतीही ट्रेडिंग सुट्टी नाही, म्हणजेच चैत्र नवरात्री सुरू होऊनही बाजार सुरूच राहील. हा नियम BSE आणि NSE दोन्हीला लागू असून व्यवहाराची वेळ देखील नेहमीप्रमाणे सकाळी ९:१५ ते दुपारी ३:३० अशीच असेल.
Web Summary : Despite Gudi Padwa and Ugadi falling on the same day, the Indian stock market (BSE and NSE) will remain open. Trading will continue as usual in equity, derivatives, currency, and commodity segments. Only select holidays like Holi, Ram Navami, and Mahavir Jayanti will close the market in March 2026.
Web Summary : गुड़ी पड़वा और उगादी एक ही दिन होने के बावजूद, भारतीय शेयर बाजार (बीएसई और एनएसई) खुला रहेगा। इक्विटी, डेरिवेटिव, मुद्रा और कमोडिटी सेगमेंट में सामान्य रूप से कारोबार जारी रहेगा। मार्च 2026 में केवल होली, राम नवमी और महावीर जयंती जैसे चुनिंदा अवकाशों पर बाजार बंद रहेगा।