Investment Options India: भारतीय गुंतवणूकदार बचत आणि गुंतवणुकीबाबत अत्यंत सावध असतात. सुरक्षित, स्थिर आणि योग्य परतावा देणारे पर्याय हीच त्यांची प्रमुख पसंती असते. विशेषतः एकरकमी गुंतवणूक (Lump Sum Investment) करणाऱ्या लोकांमध्ये फिक्स्ड डिपॉझिटसारखे पण अधिक व्याजदर देणारे पर्याय अधिक लोकप्रिय आहेत. अशाच काही सुरक्षित गुंतवणूक पर्यायांची माहिती घेऊ...
1. पब्लिक प्रॉव्हिडंट फंड (PPF)
दीर्घकालीन आणि सुरक्षित गुंतवणुकीसाठी PPF हा सर्वात विश्वसनीय पर्याय मानला जातो. या योजनेची परिपक्वता (मॅच्युरिटी) 15 वर्षांची असून, सध्या यावर 7.1% वार्षिक व्याजदर दिला जातो. विशेष म्हणजे, यावर मिळणारे व्याज आणि मॅच्युरिटी रक्कम पूर्णतः करमुक्त आहे. सुरक्षेच्या दृष्टीने ही सर्वोत्तम योजना आहे.
2. वरिष्ठ नागरिक बचत योजना (SCSS)
60 वर्षांवरील नागरिकांसाठी ही अत्यंत फायदेशीर योजना आहे. सध्या या योजनेवर 8.2% व्याजदर मिळते. याचा कालावधी 5 वर्षे असून, पुढे वाढवता येतो. या योजनेवरही कर सवलतीचा लाभ मिळतो. उच्च व्याजदर व सरकारी हमीमुळे ज्येष्ठ नागरिकांचा या योजनेत कल वाढत आहे.
3. पोस्ट ऑफिस टाइम डिपॉझिट (POTD)
फिक्स्ड डिपॉझिटसारखीच ही योजना अधिक सुरक्षित मानली जाते. याचा कालावधी 1, 2, 3 आणि 5 वर्षे आहे. याचा व्याजदर सामान्य बँक FD पेक्षा थोडा जास्त आहे. 5 वर्षांच्या ठेवीवर कर सवलत उपलब्ध आहे. गाव-खेड्यातील गुंतवणूकदारांसाठी हा एक लोकप्रिय आणि सहज उपलब्ध पर्याय आहे.
4. सुकन्या समृद्धी योजना (SSY)
मुलींसाठी खास तयार केलेली ही सरकारी योजना पालकांमध्ये अत्यंत लोकप्रिय आहे. या योजनेत 8.2% व्याजदर मिळते. तर, याची मॅच्युरिटी 21 वर्षे आहे. या योजनेतील गुंतवणुकीवर कर सवलत, तसेच व्याज करमुक्त आहे. मुलीच्या भविष्यासाठी सुरक्षित आणि उत्तम परतावा देणारा पर्याय म्हणून ही योजना पसंतीस उतरते.
(टीप- कोणत्याही योजनेत गुंतवणूक करण्यापूर्वी आर्थिक सल्लागाराची मदत घ्या.)
Web Summary : Looking for safe investment options? PPF, SCSS, POTD, and SSY offer attractive returns and tax benefits. Ideal for risk-averse investors seeking stable growth.
Web Summary : सुरक्षित निवेश विकल्प खोज रहे हैं? PPF, SCSS, POTD और SSY आकर्षक रिटर्न और कर लाभ प्रदान करते हैं। स्थिर विकास चाहने वाले जोखिम-विमुख निवेशकों के लिए आदर्श।