NPS vs Mutual Fund : दीर्घकालीन गुंतवणूक म्हटलं की कोणीही म्युच्युअल फंडात गुंतवणूक करण्याचा सल्ला देतो. पण, आता एनपीएस अर्थात राष्ट्रीय पेन्शन प्रणाली तुम्हाला आकर्षक परतावा देऊ शकतो. पेन्शन फंड नियामक आणि विकास प्राधिकरने राष्ट्रीय पेन्शन प्रणालीमध्ये मोठे बदल जाहीर केले आहेत. मल्टीपल स्कीम फ्रेमवर्क लागू झाल्यामुळे NPS योजना आता म्युच्युअल फंडांप्रमाणे अधिक लवचिक आणि आकर्षक बनल्या आहेत. गुंतवणूकदारांना आता अनेक गुंतवणूक पर्याय, विविध स्तरांवरील योजना, लवकर पैसे काढण्याची मुभा आणि १०० टक्क्यांपर्यंत इक्विटी गुंतवणूक करण्याचा पर्याय मिळाला आहे.
MSF मुळे काय बदलले?एमएसएफ म्हणजेच मल्टीपल स्कीम फ्रेमवर्क अंतर्गत, गैर-सरकारी ग्राहक आता त्यांच्या जोखीम प्रोफाइलनुसार गुंतवणूक करू शकतात. पारंपरिक एकसमान मॉडेल बाजूला ठेवून आता गुंतवणूकदार कमी, मध्यम आणि उच्च जोखीम असलेल्या पर्यायांमधून निवड करू शकतात.
- कस्टमायझेशन: यामुळे NPS मध्ये नवीन गुंतवणूक फंड्सप्रमाणे कस्टमायझेशन, ध्येय-आधारित वाटप आणि बाजार-आधारित परतावा देण्याची सुविधा मिळणार आहे.
- खर्चाचे स्वरूप: व्यवस्थापित मालमत्ताचा ०.३०% इतका खर्च पूर्वीपेक्षा थोडा जास्त असला तरी, वाढलेली लवचिकता आणि पारदर्शकता यामुळे तो योग्य मानला जात आहे.
लवकर पैसे काढण्याची मोठी सुविधापेन्शन फंडामध्ये सर्वात महत्त्वाचा बदल म्हणजे पैसे काढण्याच्या नियमात झालेली वाढलेली लवचिकता.कालावधी: आतापर्यंत ग्राहकांना ६० वर्षांपर्यंत पैसे काढण्यासाठी प्रतीक्षा करावी लागत होती, पण आता ग्राहक १५ वर्षांनंतर पैसे काढू शकतात.गरजांसाठी वापर: या सुविधेमुळे ग्राहक मुलांचे शिक्षण, घर खरेदी किंवा लवकर सेवानिवृत्तीसारख्या महत्त्वपूर्ण गरजांसाठी ही रक्कम वापरू शकतात.
विविध फंड हाऊसेसच्या नवीन योजनाएमएसएफमुळे पेन्शन फंड्सना विविध उत्पादने डिझाइन करण्याची संधी मिळाली आहे. अनेक प्रमुख फंड व्यवस्थापकांनी गुंतवणूकदारांचे विशिष्ट प्रोफाइल लक्षात घेऊन नवीन योजना बाजारात आणल्या आहेत.
- HDFC पेन्शन फंड: यांनी तीन पर्याय दिले आहेत - मॉडरेट ग्रोथसाठी इनकम फंड (५०-७५% इक्विटी), १००% पर्यंत कॉर्पोरेट कर्जावर केंद्रित असलेला लोन-प्रधान फंड, आणि आक्रमक इक्विटी फंड (८०-१००% इक्विटी).
- अ‍ॅक्सिस पेन्शन फंड: यांचा "गोल्डन इयर्स ग्रोथ फंड" ६५-१००% पर्यंत शेअर्समध्ये गुंतवणूक करतो.
- ICICI प्रुडेन्शियल पेन्शन फंड: यांनी ५०-८०% इक्विटी आणि ५०% पेक्षा कमी कर्जासह एक हायब्रीड योजना सुरू केली आहे.
- कोटक महिंद्रा पेन्शन फंड: यांचा "कुबेर इक्विटी फंड" ८०-१००% इक्विटी एक्सपोजरसह दीर्घकालीन, उच्च-वाढीची योजना म्हणून सादर करण्यात आला आहे.
वाचा - गुंतवणूकदारांसाठी मोठी संधी! टाटा-रिलायन्ससारख्या २४० दिग्गज कंपन्यांत पैसे लावा; कोणी आणली ऑफर?
NPS मधील या बदलांमुळे दीर्घकालीन पेन्शनसाठी गुंतवणूक करणाऱ्यांना आता त्यांच्या जोखीम क्षमतेनुसार आणि आर्थिक ध्येयांनुसार योजना निवडण्याची उत्तम संधी मिळाली आहे.
Web Summary : NPS is now more flexible, offering diverse investment options like mutual funds. New rules allow earlier withdrawals and up to 100% equity investment, suiting varied risk profiles. Several fund houses have launched new schemes.
Web Summary : एनपीएस अब म्यूचुअल फंड की तरह लचीला है, जो विभिन्न निवेश विकल्प प्रदान करता है। नए नियम पहले निकासी और 100% तक इक्विटी निवेश की अनुमति देते हैं, जो विभिन्न जोखिम प्रोफाइल के अनुकूल है। कई फंड हाउसों ने नई योजनाएं शुरू की हैं।